Shraddha Kapoor Bought Lamborghini: नवरात्रीचे नऊ दिवस उत्साहात साजरा केल्यानंतर सर्वांनी काल उत्साहात दसरा साजरा केला. साडे तीन मुहूर्तांपैकी एक असलेला दसरा सण साजरा करताना अनेक नवनवीन वस्तू खरेदी करण्याकडे लोकांचा कल असतो. तर बॉलिवूडची लोकप्रिय अभिनेत्री श्रद्धा कपूर हिने देखील यंदाच्या दसऱ्याच्या खास मुहूर्तावर एक नवीन महागडी वस्तू खरेदी केली आहे.

दसऱ्याच्या खास मुहूर्तावर श्रद्धा कपूरने आता एक नवीन आलिशान कार घरी आणली आहे. श्रद्धाने तिच्या नवीन कारसोबतचे फोटो शेयर करुन चाहत्यांना ही गोड बातमी दिली आहे.

कार शोरूम ऑटोमोबिली आर्डेंट इंडियाने एका पोस्टद्वारे श्रद्धाने नवीन लॅम्बोर्गिनी खरेदी केल्याची पोस्ट शेयर केली आहे. त्याचबरोबर श्रद्धाचे तिच्या नवीन कारसोबतचे फोटो शेअर केले आहेत.

शोरूमने नवीन लॅम्बोर्गिनीसोबत श्रद्धाचे फोटो पोस्ट केले आहे आणि त्यावर लिहिले की, 'कोणताही वेगळा मार्ग नाही, श्रद्धा कपूरने नुकतीच हुराकन टेक्निका खरेदी केली आहे! ती कदाचित बॉलीवूडमधील सर्वात मोठी अभिनेत्री नसावी पण श्रद्धा कपूर ही त्या कलाकारांपैकी एक आहे आता तिला ही Rosso Anteros Lamborghini Huracan Tecnica घरी नेताना पाहून तिला खूप छान वाटले आहे.'

यावेळी श्रद्धा कपूर पांढऱ्या रंगाच्या प्रिंटेड सूटमध्ये दिसत आहे. ती खूप सुंदर दिसत आहे. ती तिच्या नवीन लाल रंगाची लॅम्बोर्गिनी कारसोबत पोज देताना दिसली. या कारची किंमत 4.04 कोटी रुपये आहे.

मिडिया रिपोर्टनुसार याआधी श्रद्धाने BMW 7 सीरीज खरेदी केली होती ज्याची किंमत 2.46 कोटी रुपये होती. त्याचबरोबर तिच्याकडे मर्सिडीज बेंझ जीएलई कार होती ज्याची किंमत 1.01 कोटी रुपये होती. आता श्रद्धा कपूर लॅम्बोर्गिनी हुराकन टेक्निकाची मालकिण झाली आहे.

श्रद्धाच्या वर्कफ्रंटबद्दल बोलायचं झालं तर ती शेवटची 'तू झुठी मैं मक्कार'मध्ये दिसली होती. लव रंजन दिग्दर्शित या चित्रपटात श्रद्धाने रणबीरसोबत स्क्रिन शेयर केली होती. आता श्रद्धा हॉरर-ड्रामा चित्रपट स्त्री 2 मध्ये राजकुमार राव आणि पंकज त्रिपाठी यांच्यासोबत दिसणार आहे.