emergency : बॉलिवूड अभिनेत्री कंगना राणौतच्या आगामी 'एमरजन्सी' या चित्रपटाची जोरदार चर्चा आहे, कायमच कॉँग्रेसला धारेवर धरणारी कंगना या चित्रपटात चक्क भारताच्या पहिल्या महिला पंतप्रधान इंदिरा गांधी यांची भूमिका साकरणार आहे. 'आणीबाणी' या देशातील सर्वात मोठी राजकीय घटना मोठ्या पडद्यावर आणण्याचा प्रयत्न करत आहे. या चित्रपटात कंगना केवळ अभिनयच नाही तर चित्रपटाचे दिग्दर्शन ही करणार आहे. या चित्रपटातबाबत एक मोठी घोषणा नुकतीच करण्यात आली.

(Shreyas Talpade to play Atal Bihari Vajpayee in Kangana Ranaut’s Emergency)

कंगना राणौत इंदिरा गांधी यांची भूमिका साकरणार असल्याचे जाहीर झाले आणि तिचा पहिला लुक समोर आला. या लूकला चाहत्यांनी भरपूर प्रतिसाद दिला, त्यांनंतर काही दिवसातच अभिनेता अनुपम खेर यांचा लूक रिलीज करण्यात आला आहे. या चित्रपटात अभिनेता दिवंगत राजकारणी जयप्रकाश नारायण यांची भूमिका साकारताना दिसणार आहेत. आता भाजपनेते आणि माजी पंतप्रधान अटल बिहारी वाजपेयी यांची भूमिका कोण साकरणार हे समोर आहे. ही भूमिका मराठी अभिनेता श्रेयस तळपदे साकरणार आहे.

याबाबत कंगनाने एक पोस्ट शेअर करत माहिती दिली आहे. या पोस्ट मध्ये श्रेयस तळपदे अटल बिहारी वाजपेयी यांच्या भूमिकेत दिसत आहेत. या पोस्टला कंगनाने 'एक सच्चा राष्ट्रवादी.. ज्यांचे देशावर अमाप प्रेम आणि अभिमान अतुलनीय होता. आणीबाणीच्या काळात घडलेला एक तरुण नेता..' असे कॅप्शन दिले आहे.

तर अभिनेता श्रेयस तळपदे यानेही हि पोस्ट शेअर केली आहे. 'बाधाएं आती हैं आएं.. घिरें प्रलय की घोर घटाएं, पावों के नीचे अंगारे, सिर पर बरसें यदि ज्वालाएं, निज हाथों में हंसते-हंसते, आग लगाकर जलना होगा। कदम मिलाकर चलना होगा।' अशी अटल बिहारी वाजपेयी यांची कविता त्याने शेअर केली आहे. शिवाय तो म्हणतो, 'एका खऱ्या राष्ट्रभक्ताची, व्यापक दृष्टिकोन असणाऱ्या भारतरत्न 'अटल बिहारी वाजपेयी' यांची भूमिका करताना मला अत्यंत आनंद होत आहे. मला आशा आहे कि तुमच्या अपेक्षा पूर्ण करू शकेन.' असेही तो म्हणाला आहे.