Sidharth Malhotra & Kiara Advani Wedding: नुकतचं बॉलीवूडचं क्यूट कपल सिद्धार्थ मल्होत्रा आणि कियारा अडवाणीचं लग्न झालं आहे. आता त्यांच्या लग्नसोहळ्या संबधित इंट्रेस्टिंग गोष्टी समोर येत आहेत.

आता लेटेस्ट रिपोर्टमध्ये सांगितलं जात आहे की लग्नाच्या काही विधी केल्या जात होत्या त्या दरम्यान सिद्धार्थ मल्होत्रा कियाराच्या पाया पडला. याआधी समोर आलं होतं की लग्नात कियाराची आई आणि भाऊ भावूक झालेले दिसले त्यावेळी सिद्धार्थनं घरच्या मुलाप्रमाणे खूप छानपणे सगळं हॅंडल केलं.

त्यानं घरातल्या मोठ्या मुलाप्रमाणे केवळ आपल्या सासूला सांभाळलं नाही तर आपल्या बायकोला देखील छान सांभाळलं. बातमी आहे की कियारा देखील काही विधी दरम्यान खूप रडली.(Sidharth Malhotra touched kiara advani feet know the exact reason)

सिद्धार्थ-कियाराच्या लग्नसोहळ्या दरम्यान घडलेली एक इंट्रेस्टिंग गोष्ट समोर येत आहे. बोललं जात आहे की लग्नाच्या विधी दरम्यान सिद्धार्थ आपल्या धर्मपत्नीच्या म्हणजे कियारा अडवाणीच्या पाया पडला.

खरंतर लग्नाच्या विधी दरम्यान आपण पाहतो की पत्नी आपल्या पतीच्या पाया पडते. पण पती-पत्नीत फरक नको..दोघे समान पातळीवर आहेत म्हणून सिद्धार्थ देखील कियारा त्याच्या पाया पडल्यावर लगेच तिच्या पाया पडण्यासाठी झुकला...असं म्हटलं जात आहे.

कियारानं सिद्धार्थला एक इमोशनल गिफ्ट दिलं. तिनं त्याच्यासाठी खास कस्टमाइज्ड कलीरे डिझाइन केले होते. त्यामध्ये सिद्धार्थचा पाळीव कुत्रा ऑस्करचा चेहरा डिझाइन करुन कियारानं घेतला होता. ऑस्करचं गेल्या वर्षीच निधन झालं आहे. तो सिद्धार्थच्या खूप जवळचा होता.

सिद्धार्थ आणि कियाराचं लग्न जैसेलमेरला सूर्यगढ फोर्ट पॅलेसमध्ये झालं होतं. तिथे नो मोबाईल-कॅमेरा पॉलिसी होती. यामुळे लग्नाचे फोटो आणि व्हिडीओ समोर येऊ शकले नाहीत.

लग्नानंतर सिद्धार्थ आणि कियारानं आपापल्या सोशल मीडिया अकाऊंटवर काही क्यूट फोटो शेअर केले आहेत. आता लोक वाट पाहतायत ते दोघांच्या लग्नाच्या व्हिडीओजची. काही व्हिडीओ व्हायरल झाले आहेत.

एका व्हिडीओवरनं दावा केला जात आहे की तो कियारा-सिद्धार्थच्या संगीत सोहळ्याचा व्हिडीओ आहे. पण कियाराच्या हातावर त्या व्हिडीओत मेहेंदी नसल्यामुळे लोकांना त्यावर डाऊट आहे.