प्रसिद्ध गायिका निती मोहनने Neeti Mohan मुलाला जन्म दिला. नितीचा पती निहार पांड्या Nihaar Pandya याने सोशल मीडियावर पोस्ट लिहित ही आनंदाची बातमी चाहत्यांना सांगितली. नितीसोबतचा फोटो शेअर करुन निहारने त्याला कॅप्शन दिले, 'जे माझ्या वडिलांनी मला शिकवले, ते सर्व माझ्या सुंदर पत्नीने माझ्या छोट्या मुलाला शिकवण्याची संधी दिली आहे. ती प्रत्येक दिवशी माझ्या आयुष्यामध्ये आनंद पसरवत आहे. सगळ्यात महत्त्वाची गोष्ट म्हणजे निती आणि बाळाची प्रकृती ठीक आहे. मोहन आणि पांड्या परिवाराकडून तुम्हा सर्वांचे आभार.' (singer neeti mohan blessed with a baby boy husband nihaar pandya share post )

निहारच्या या पोस्टला अनेक सेलिब्रिटींनी कमेंट करून निहार आणि नितीला शुभेच्छा दिल्या आहेत. नितीची बहिण आणि प्रसिद्ध डान्सर शक्ती मोहनने देखील निहारच्या या पोस्टला कमेंट करून शुभेच्छा दिल्या आहेत. शक्तीने कमेंट केली, 'मी खूप आनंदी आहे. बाळाच्या आई वडिलांचे अभिनंदन. आता मी मावशी झाले. आता आम्ही तुमच्या छोट्या मुलाला बिघडवण्यासाठी तयार आहोत. सर्व मावशींनी तयार राहा.'

निती मोहनने फेब्रुवारी महिन्यामध्ये तिच्या लग्नाच्या दुसऱ्या वाढदिवसानिमित्त तिचे काही फोटो शेअर करून ती आई होणार आहे अशी गुड न्यूज सांगितली होती. ' 1+1=3, होणारी आई आणि होणारे बाबा, ही बातमी देण्यासाठी आमच्या लग्नाचा वाढदिवसासारखा उत्तम दिवस कोणता असेल का?', असं कॅप्शन तिने दिलं होतं. निती मोहन आणि निहार पांड्याने 15 फेब्रुवारी 2019 रोजी लग्न केले.

शक्ती, मुक्ती आणि निती या तिन्ही बहिणी इंडस्ट्रीत प्रसिद्ध आहेत. त्यापैकी शक्ती आणि मुक्ती या दोघी डान्सर असून निती ही गायिका आहे. 'मनवा लागे', 'फर्स्ट क्लास', 'जिया रे', 'इश्कवाला लव्ह', 'कश्मीर मै तू कन्याकुमारी' यांसारखी प्रसिद्ध बॉलिवूड गाणी नितीने गायली आहेत.