मुंबई - सध्या देशातल्या काही राज्यांमध्ये निवडणूकींची रणधुमाळी रंगलेली दिसत आहे. त्यावेळी अनेक नेते एकमेकांवर आरोप प्रत्यारोप करत आहेत. मात्र याप्रसंगी काही नेत्यांनी बोलताना सभ्यतेची पातळी ओलांडल्याचे दिसत आहे. डीएमकेचे एक नेते डिंडीगुल लियोनी यांनी एक भलतेच वादग्रस्त विधान केले आहे. त्याचा सोशल मीडियावर अनेकांनी तीव्र शब्दांत निषेध केला आहे. त्यात सेलिब्रेटी गायिका सोना महापात्रा हिच्या नावाचा समावेश आहे. तिनं डिंडीगुल यांच्या विधानाचा निषेध करुन त्यांच्यावर परखड टीका केली आहे. डिंडीगुल यांनी ज्याप्रकारचे विधान केले होते त्यावरुन महिला वर्गामध्ये नाराजी असल्याचे म्हटले जात आहे. त्यावरुन त्यांच्यावर अनेकांनी टीका केली आहे.

गायिका सोना महापात्रानं आता डीमएकेच्या नेत्यावर चांगलीच आगपाखड केली आहे. लियोनी यांच्याविषयी सांगायचे झाल्यास ते तामिळनाडू मधील एक उमेदवार आहेत. त्यांनी आपल्या प्रचार दौ-यात महिलांच्या शरीरयष्टीबाबत एक विधान केले होते. ते म्हणाले होते देशातील मॉडर्न महिला आता आठ आकारासारख्या दिसत नाही. याचे कारणं म्हणजे त्यांनी विदेशी गाईचे दुध पिण्यास सुरुवात केली आहे. सोनानं जेव्हा डिंडीगुल यांचे हे विधान ऐकले तेव्हा तिनं डिंडीगुल यांना मुर्ख म्हटलं आहे. अशाप्रकारचे विधान करणा-या नेत्याला मुर्ख म्हणणं योग्य ठरेल. असे मत तिनं व्यक्त केलं आहे.

हेही वाचा : प्रकाश राज यांनी १२ वर्षांनी लहान कोरिओग्राफरशी केलंय लग्न

सोनानं सोशल मीडियावर एक व्टिटही केलं आहे. त्यात तिनं म्हटलं आहे की, तामिळनाडू पासून उत्तराखंडपर्यत अनेक महाभाग आपल्याला दिसून येतील. त्यांची संख्या काही कमी नाही. अशा प्रकारच्या मुर्खांना सेक्सिझम आणि महिलांच्या विरोधात बोलण्याची सवयच असते. ही मुर्खता लोकांना आकर्षित करते का, हा प्रश्न आहे. त्याचे उत्तरही तुम्हाला माहिती आहे. लोकांनी आपल्याला ओळखावे, आपल्या बोलण्यावर हसावे यासाठी अशाप्रकारची विधानं केली जातात. पुरुषत्वाला अधिक महत्व देण्याच्या बहाण्यानं ही विधानं केली जातात. असे वाटत असल्याची भावना सोनानं व्यक्त केली.

सोना मोहपात्राला धमक्या; मुंबई पोलिसांकडे तक्रार करत घेतला महत्त्वपूर्ण निर्णय

यापूर्वी फाटक्या जीन्सवरील वादाप्रकरणी सोशल मीडियावर पोस्ट लिहिल्यानंतर प्रसिद्ध गायिका सोना मोहपात्राला धमक्यांचे मेसेज येऊ लागले आहेत. याप्रकरणी तिने मुंबई पोलिसांकडे तक्रार केली असून इन्स्टाग्रामवरील कमेंट सेक्शनसुद्धा बंद केलं आहे. सोनाने गुरुवारी मुंबई पोलिसांनी टॅग करत लिहिलं, 'इन्स्टाग्रामवर मला जीवे मारण्याच्या धमक्या येत आहेत. इतकंच नव्हे तर माझं अकाऊंट हॅक करण्याच्याही धमक्या दिल्या जात आहेत. माझ्यासाठी अपशब्द वापरले जात आहेत. ठराविक लोकं मिळून माझ्यावर निशाणा साधत आहेत. मी माझं कमेंट सेक्शन बंद केलं आहे.

नेहा कक्करची होळी पार्टी सुरू; पतीसोबत पूल डान्सचा व्हिडीओ व्हायरल

हेही वाचा : नवविवाहित दियाचा समुद्रकिनारी बोल्ड अंदाज

याप्रकरणी सोनाने तिच्या इन्स्टाग्राम अकाऊंटवर देवी कालीचा फोटो पोस्ट करत लिहिलं, 'जगाला दाखवण्याइतपत माझे गुडघे संस्कारी नाहीत का?' सोनाच्या या पोस्टवरून तिला ट्रोल करण्यात आलं. याविषयी तिने नंतर ट्विटरवर लिहिलं, 'पाच दिवसांनंतरही मला धर्माच्या ठेकेदाऱ्यांकडून धमक्या येत आहेत, मला शिवीगाळ केली जातेय. आजच मी १०० हून अधिक लोकांना ब्लॉक केलंय आणि त्यांच्याविरोधात तक्रार केली आहे.'