मराठी मनोरंजन विश्वामध्ये सोनाली कुलकर्णीनं अभिनयानं आणि सौंदर्यानं मराठी प्रेक्षकांच्या मनात वेगळंच स्थान निर्माण केलं आहे. ती मराठीतील आघाडीची अभिनेत्री आहे. त्याचबरोबर आता ती दाक्षिणात्य चित्रपटांमध्येही तिच्या अभिनयची जादू दाखवण्यासाठी सज्ज आहे. सोनाली अभिनयाबरोबरच सोशल मिडियावरही बरिच सक्रिय असते. ती तिच्या चाहत्याच्या संपर्कात राहते.

ती तिच्या वैयक्तिक आयूष्यामुळेही बरिच चर्चेत असते. तिची आणि कुणालची जोडी प्रेक्षकांना खुप आवडते. मात्र कुणाल हा तिची पहिली पसंती नव्हती. होय याचा खुलासा खुद्द सोनालीनेच केला आहे.

सोनालीने नुकतचं एका मुलाखतीत तिच्या आधीच्या रिलेशनशिपबाबात काही गोष्टींचा खुलासा केला. तिने या मुलाखतीत ती एका मुलाच्या कशी प्रेमात पडली आणि पुढे त्याच्या नात्याचं काय झालं याबद्दल सांगितलं.

याबद्दल बोलतांना सोनालीने सांगितलं की, ती कॉलेजमध्ये असताना एका सिनियर मुलांच्या प्रेमात पडली. तिला वाटलं होतं की तो मुलगा तिला प्रपोज करेल मात्र त्यान तिला प्रपोज केल नाही त्यामुळं तिने पुढाकार घेतला आणि त्याला प्रपोज केल. त्यावर त्यानेही होकार भरला. त्यांनतर दोघांनी पाच वर्ष एकत्र छान वेळ घालवला.

पुढे ती म्हणते की, हे तिचं पहिलं सिरियस रिलेशन होतं. ते बराच काळ टिकलं. पण पाच वर्षांनंतर त्याच नातं संपल.

मराठीतील आघाडीची अभिनेत्री सोनाली कुलकर्णी हिने ७ मे रोजी दुबईतील एका मंदिरात कुणाल बेनोडेकरशी लग्नगाठ बांधली. दुबईमध्ये अगदी काही मोजक्या लोकांच्या उपस्थितीत मंदिरात आणि मग कोर्टमध्ये त्यांनी विवाह केला होता. इतकचं नाही तर तिने लग्नाच्या पहिल्या वाढदिवसानिमित्त दुसऱ्यांदा कुणालसोबत लग्न केलं.