अक्षय कुमारचा(Akshay kumar) सिनेमा 'सम्राट पृथ्वीराज'(Samrat Prithviraj) बॉक्सऑफिसवर फ्लॉप ठरला आहे. सिनेमात सोनू सूदनं(Sonu Sood) राजकवि चंदबरदाई ची भूमिका साकारली आहे. 'पृथ्वीराज'च्या प्रदर्शनानंतर आता सोनू सूद आपल्या पुढील प्रोजेक्टच्या तयारीत व्यस्त आहे. परंतू याच दरम्यान त्यानं 'सम्राट पृथ्वीराज' का चालला नाही यावर प्रतिक्रिया दिलेली आहे. सोनू सूद पहिल्यांदाही बोलला होता की,''फक्त सिनेमा चालला नाही असं म्हणून सोडून देता येत नाही. कारण तो सिनेमा तयार होताना सगळ्यांचे कष्ट लक्षात घेतले की त्याच्यावर बसलेला फ्लॉपचा(Flop) शिक्का मनाला खूप वेदना करून जातो. सगळी टीम त्या सिनेमासाठी मेहनत घेत असते ते एका झटक्यात वाया गेल्यासारखं होऊन जातं''.

'सम्राट पृथ्वीराज' फ्लॉप झाल्यानंतर सोनू सूद म्हणाला,''हा माझ्यासाठी खूप जवळचा,खास सिनेमा आहे. मला या सिनेमात खूप कमाल भूमिका साकारायचा अनुभव मिळाला. लोकांनी देखील माझी ही वेगळी भूमिका पसंत केली. मी त्यांचा खूप आभारी आहे. कदाचित बॉक्सऑफिसवर सिनेमानं चांगला व्यवसाय केला नाही जेवढी आम्ही अपेक्षा केली होती पण आपल्याला हे लक्षात घ्यायला हव की पॅन्डॅमिक नंतर खूप गोष्टी बदलल्या आहेत''.

सोनू सूद म्हणाला की,'' पृथ्वीराज सिनेमा केल्यामुळे मी खूप खूशीत आहे. आणि लोकांनी जे प्रेम सिनेमाला दिलं आहे त्याचाही मला आनंद आहे. आपल्या नवीन प्रोजेक्टविषयी अद्याप काही आपण बोलत नाही आहोत कारण मी स्वतः त्याविषयी खूप उत्सुक आहे. आणि लवकरच मी त्याविषयीच्या सगळ्या गोष्टी चाहत्यांसोबत शेअर करेन. मी या प्रोजेक्टवर दिवस-रात्र काम करीत आहे. मी खूप कष्ट घेतलेयत''.

सोनू सूद म्हणाला की,'' ७ जून रोजी तो या सीक्रेट्ला सर्वांसमोर आणणार आहे. तोपर्यंत मी इतकंच म्हणेन की या प्रोजेक्टमुळे आपल्या मनात देशाचा अभिमान अधिक वाढेल. मला आशा आहे की मी ते सीक्रेट शेअर केल्यावर सगळ्यांकडून मला प्रेम आणि पाठिंबा मिळेल''.