सुचित्रा कृष्णमुर्ती(Suchitra Krishnamoorthi) आणि शेखर कपूर(Shekhar Kapoor) यांनी १९९७ साली लग्न केलं आणि ते २००६ साली विभक्त झाले. त्या दोघांना एक मुलगी आहे जिचं नाव कावेरी कपूर(Kaveri Kapoor)आहे. ती गायक आहे आणि लवकरच अभिनय क्षेत्रातही ती पदार्पण करणार आहे. कावेरी सध्या आपली आई सूचित्रा कृष्ममुर्ती सोबत राहते. सुचित्रानं मागे एका मुलाखतीत आपण मुलीला एकटं वाढवतोय, पण असं असलं तरी मी जरा देखील मुलीच्या बाबतीत कडक नाही असं म्हटलं होतं. माझे आई वडील जसे माझ्याबाबतीत कडक होते तशी मी मुळीच नाही अंस सूचित्रा म्हणाली होती. आपल्या मुलीनं आपल्याला जबरदस्ती डेटिंग App वर प्रोफाईल बनवायला लावलं आहे असा खुलासा देखील तिनं केला होता.(Suchitra Krishnamoorthi says daughter Kaveri made her join dating site)

सुचित्रा पुढे म्हणाली, ''ती एक पालक म्हणून खूप सजग आहे की जेणेकरून तिच्या मुलीकडून कोणतंही चुकीची गोष्ट घडणार नाही याकडे ती कटाक्षानं लक्ष ठेवते. तिनं सांगितलं की, काही बाबतीत माझे विचार खूप जुने आहेत. पण मुलीला वचन दिल्या कारणानं मी माझ्यावर जी काही बंधन घालून घेतली होती त्यांच्यातून मला बाहेर पडावं लागलं''. सुचित्रा कृष्णमुर्तीची मुलगी लवकरच अमरिश पुरी यांचा नातू वरधान पुरीसोबत सिनेमात काम करताना दिसणार आहे.

एका इंग्रजी वेबसाईटला दिलेल्या मुलाखतीत सुचित्रा म्हणाली आहे की,''माझी मुलगी कावेरीनं मला पहिल्यांदा डेटिंग App ची ओळख करुन दिली. मी तिला वचन दिलं होतं म्हणून मला होकार द्यावा लागला. पण त्यानंतर मात्र माझं मन तयार होईना. शेवटी मुलीला म्हटलं,'बच्चा,हे माझं काम नाही'. तिनं माझं प्रोफाईल माझं न ऐकता डेटिंग App वर बनवून टाकलं. आणि डेटवर जाण्याची जबरदस्ती करायला लागली. तिनं माझे फोटो देखील तिथं अपलोड केले होते. पण त्यानंतर खूप विचित्र मेसेज यायला लागले''. सुचित्रानं हे देखील सांगितलं की,शेखर कपूर पासून वेगळं झाल्यावर ती एका रिलेशनशीपमध्ये होती,जे एक वर्ष चाललं. पण याबाबतीत कोणाला काहीच माहिती नाही.