Sulochana Latakar : मराठी चित्रपट विश्वात आपल्या अभिनयाचा वेगळा ठसा निर्माण करणाऱ्या सुलोचना दीदी अर्थात सुलोचना लाटकर यांचे निधन झाले आहे. त्यांनी वयाच्या ९४ व्या वर्षी अखेरचा श्वास घेतला आहे. गेल्या काही दिवसांपूर्वी त्यांच्या प्रकृतीत बिघाड झाला होता.

सोशल मीडियावर सुलोचना लाटकर यांच्याबाबत जून्या आठवणींना उजाळा देण्यात येत आहे. अशातच बॉलिवूडचे बादशाह अमिताभ बच्चन यांना सुलोचना लाटकर यांनी पत्र लिहले होते ते पत्र अमिताभ यांनी शेअर केले होते. (Sulochana Latakar Death)

पत्र फेसबुकवर शेअर करताना अमिताभ यांनी लिहले होते की, "सुलोचनाजींनी अनेक चित्रपटांमध्ये माझ्या आईची भूमिका साकारली होती त्यांचा स्नेह, प्रेम आणि आशीर्वाद नेहमीच होता, पण माझ्या ७५ व्या वाढदिवशी त्यांनी मला त्यांचे पत्र भेट दिले. ते पाहून मी भारावून गेलो. हे पत्र शेअर करण्यापासून मी स्वत:ला रोखू शकलो नाही."

सुलोचना यांनी पत्रात काय लिहिले होते?

"आज तुम्हाला ७५ वर्षे पूर्ण होत आहेत, मराठी भाषेत अशा वर्षांना 'अमृतमहोत्सव' म्हणतात. तुम्हाला अमृताचा अर्थ आधीच माहित आहे. या अमृताचा वर्षाव तुमच्या भावी आयुष्यावर सदैव होवो हीच ईश्वरचरणी प्रार्थना.

'रेश्मा और शेरा'मधला सीरियस, शर्मिलाचा 'छोटू' मला आजही आठवतो. तोच 'छोटू' आजही डोंगराएवढा भक्कम आणि अवाढव्य पाहतो तेव्हा मला देवाचा चमत्कार वाटतो.'

सुलोचना लाटकर आणि अमिताभ बच्चन यांनी 'मुकद्दर का सिकंदर' (१९७८), 'मजबूर' (१९७४) आणि 'रेश्मा और शेरा' (१९७१) मध्ये एकत्र काम केले आहे.