Rhea Chakraborty : बॉलीवूडचा प्रसिद्ध दिवंगत अभिनेता सुशांत सिंग आत्महत्या प्रकरणात अनेक खुलासे झाले. मात्र या प्रकरणात जास्त चर्चेत झाली ती त्याची गर्लफ्रेंड रिया चक्रवर्तीची. पोलिसांनी तिची कसून चौकशी केली होती. त्यानंतर तिच्या नावाची सोशल मीडियावर मोठ्या प्रमाणात चर्चा होती. नेटकऱ्यांनी देखील तिच्यावर कडाडून टीका केली होती.

रिया आणि सुशांत बऱ्याच दिवसांपासून एकमेकांना डेट करत होते. सुशांत सिंग राजपूतच्या मृत्यूनंतर रिया बराच काळ चर्चेत होती. सुशांतच्या मृत्यूनंतर रियाला अनेक समस्यांना सामोरे जावे लागले होते. आता रिया तिच्या आयुष्यात पुढे गेली आहे.

सध्या ती एका टिव्ही शोमध्ये जजची भुमिका साकारत आहे. मात्र आता ती पुन्हा तिच्या वैयक्तिक आयुष्यामुळे चर्चेत आली आहे. आता रियाच्या आयुष्यात पुन्हा प्रेमाने एंट्री केल्याच्या चर्चा सुरु झाल्या आहेत. रिया ही आता एका बिझनेसमनला डेट करत असल्याचं बोललं जात आहे.

आता रियाचं नाव ज्यांच्याशी जोडलं जातय तो आहे बिझनेसमन निखिल कामत. मीडिया रिपोर्टनुसार, हा निखिल हा जेरोधा या वित्तीय सेवा कंपनीचा संस्थापक आहे. आता रिया चक्रवर्तीच्या आयुष्यात निखिलच्या माध्यमातुन प्रेमाची एन्ट्री झाली आहे.

मात्र अद्याप रिया किंवा निखिल कामत या दोघांनीही या अफवांवर प्रतिक्रिया दिलेली नाही. त्यामुळे आता या चर्चांमध्ये किती तथ्य आहे हे तर ते दोघेच सांगू शकतात.

यापुर्वी रियाचं नाव हे क्रिकेटर विराट कोहलीचा मॅनेजर 'बंटी सजदेह' याला याच्यासोबत जोडलं गेलं होतं. बंटी सजदेह हा सलमान खानची वहिनी सीमा सजदेहचा भाऊ आहे. त्यानंतर आता तिच नाव निखिलसोबत जोडलं जात आहे.

तर दुसरीकडे निखिल हा रियाला डेट करण्यापूर्वी मिस वर्ल्ड मानुषी छिल्लरला डेट करत होता. त्यादोघांचे बरेच फोटो सोशल मीडियावर व्हायरल झाले होते. मानुषी आणि निखिल एक वर्षापासून डेट करत होते.

आजकाल रिया चक्रवर्ती रोडीज या रिअॅलिटी शोमध्ये गँग लीडरची भूमिका साकारताना दिसत आहे. आता त्यातच तिच्या लव्ह लाईफबद्दल ही एक मोठी अपडेट समोर आली आहे.