Swanandi Tikekar Engagement News: स्वानंदी टिकेकर ही मराठी मनोरंजन विश्वातील लोकप्रिय अभिनेत्री. स्वानंदीने नुकतंच गायक - संगीतकार आशिष कुलकर्णी सोबत साखरपुडा केला.

स्वानंदीच्या साखरपुड्याचे फोटो सोशल मिडीयावर व्हायरल झाले आहेत. अशातच स्वानंदीच्या साखरपुडा फोटोंवर नेटकऱ्यांनी भन्नाट कमेंट केल्या आहेत. अशातच एक कमेंट मात्र चांगलीच व्हायरल झालीय.

कुठेही मेकअपचा भपका नाही आणि... स्वानंदीच्या फोटोंवर नेटकऱ्याची कमेंट चर्चेत

स्वानंदीने काल रविवारी २३ जुलैला साखरपु़ड्याचा फोटो पोस्ट केला. या फोटोवर एका महिलेने जी कमेंट केली आहे ती लक्षवेधी आहे.

युजरने कमेंट केली आहे की.. किती सुंदर दिसत आहात. कुठेही मेकअप चा भपका नाही, अतिशय सोबर पण तितकीच गरजेची ज्वेलरी , आणि सगळ्यात महत्वाचं साडी नेसली आहेस.. खूपच गोड.. अभिनंदन दोघांचे. ही कमेंट सध्या चांगलीच चर्चेत आहे. एकुणच स्वानंदीने साखरपुड्यात पारंपरिक वेशभुषा परिधान केल्याने तिचे फॅन्स खुश झाले आहेत

स्वानंदीने केला साखरपुडा

स्वानंदीने गुपचुप साखरपुडा उरकल्याच्या चर्चांना शनिवारीच उधाण आलं. त्याच कारण म्हणजे, स्वानंदीने सोशल मिडीयावर बॉयफ्रेंड आशिष कुलकर्णी सोबत फोटो पोस्ट केला होता. यात स्वानंदीच्या हातावर मेहंदी रंगलेली दिसत होती.

दरम्यान स्वानंदीने आज साखरपुड्याचा फोटो शेअर केला. तसेच And We’re Engaged कॅप्शन दिलं आहे.

स्वानंदी टिकेकर आणि आशिष कुलकर्णीने शुक्रवारी रात्री एक फोटो शेअर केला होता. यात स्वानंदीच्या हातावर मेहंदी रंगलेली दिसत होती. तर स्वानंदीचा बॉयफ्रेंड तिच्या गालावर किस करताना दिसतोय.

कोण आहे स्वानंदीचा होणारा नवरा आशिष?

स्वानंदीच्या बॉयफ्रेंडचं नाव आहे आशिष कुलकर्णी. This is US! असं लिहून #आमचं ठरलंय असा हॅशटॅग स्वानंदीने वापरलाय. आशिष कुलकर्षी हा गायक - संगीतकार आहे. तो इंडीयन आयडॉल 12 व्या सीझनमध्ये सहभागी होता.

आशिष कुलकर्णी स्वत:चे लाईव्ह शोज सुद्धा करत असतो. आशिष आणि स्वानंदी हे दोघे एंगेज झाल्यामुळे त्यांच्या चाहत्यांना आनंद झाला आहे.