Swara Bhasker Video: सध्या सर्वत्र दिवाळी सणाचा उत्साह दिसत आहे. अशा परिस्थितीत बॉलिवूडमधील सेलिब्रिटींना देखील दिवाळीचे वेध लागले आहेत. तर दुसरीकडे सेलिब्रिटीच्या घरी दिवाळी पार्टी सुरु झाली आहे.

मनीष मल्होत्राने याची सुरुवात केली आता रमेश तौरानीनेही त्याच्या घरी दिवाळीची पार्टी आयोजित केली होती. जिथे सर्व बॉलीवूड स्टार्सनी हजेरी लावली. मात्र या सर्वात एक अभिनेत्री गैरहजर राहिली ती म्हणजे बॉलिवूड अभिनेत्री स्वरा भास्कर.

स्वरा भास्कर यंदाच्या दिवाळी पार्टीला मिस करत आहे. त्यामागे कारणही तसेच आहे. स्वराने या वर्षी सप्टेंबरमध्ये मुलीला जन्म दिला आहे. मुलीची काळजी घेण्यात व्यस्त असल्याने ती यंदाच्या दिवाळी पार्टीला जाऊ शकत नाही. त्यामुळे सध्या सोशल मिडियावर दिवाळी पार्टीचे फोटो व्हायरल झाल्यानंतर स्वरा दिवाळी पार्टींना मिस करत आहे.

स्वरा भास्करने सोशल मीडियावर एक व्हिडिओ शेअर केला आहे. ज्यामध्ये तिने तिच्या जुन्या दिवाळी पार्टी लूकचे काही फोटो शेअर केले आहेत. या व्हिडिओच्या सुरुवातीला ती तिच्या पायजमामध्ये मुलगी राबियाची काळजी घेताना दिसत आहे तर त्यानंतर तिचे मागील वर्षाचे काही दिवाळी लूक दाखवण्यात आले आहेत.

हा व्हिडिओ शेअर करत स्वराने लिहिले की, मला दिवाळीच्या काळात FOMO होत आहे. यासोबतच स्वराने व्हिडीओमध्ये लिहिले, "आई झाल्यावर मला ते सगळे आठवते जेव्हा मी तयार होऊन वेगवेगळ्या ठिकाणी जायची."

सध्या स्वराचा हा व्हिडिओ सोशल मिडियावर खुप व्हायरल होत आहे. स्वराचे चाहते तिच्या या व्हिडिओवर खूप कमेंट करत आहेत.

स्वरा भास्कर - फहाद यांनी लग्न केल्यानंतर 23 सप्टेंबर 2023 रोजी आपल्या पहिल्या मुलीचे स्वागत केले. स्वराने तिच्या लेकीचे नाव राबिया ठेवले आहे. तिचे अनेक फोटो स्वरा सोशल मीडियावर शेअर करत असते.