ओम राऊत दिग्दर्शित 'तान्हाजी : द अनसंग वॉरिअर' या चित्रपटातून अभिनेता धैर्य घोलपने बॉलिवूडमध्ये पदार्पण केलं. या चित्रपटात तान्हाजी मालुसरेंच्या सैन्यातल्या मावळ्याची भूमिका धैर्यने साकारली होती. खलनायक उदयभान सिंहच्या (सैफ अली खान) हातून या मावळ्याचा मृत्यू होताना चित्रपटात दाखवलं आहे. आता धैर्य मालिकाविश्वात पदार्पण करत आहे. कलर्स वाहिनीवरील 'बावरा दिल' या मालिकेत धैर्य सरकार ही नकारात्मक भूमिका साकारणार आहे.
मालिकेतील खलनायकी भूमिकेसाठी 'तान्हाजी'मधल्या सैफच्या भूमिकेतून प्रेरणा घेतल्याचं तो सांगतो. "मला नेहमीच नकारात्मक पात्रांबद्दल विशेष आकर्षण वाटत आलंय. याचं कारण म्हणजे खलनायकी भूमिकांमध्ये भावनांच्या अनेक छटा साकारायला मिळतात. त्यामुळे आपल्यातल्या अभिनेत्याचा त्यामुळे कस लागतो, असं मला वाटतं. ओम राऊत यांच्या मार्गदर्शनाखाली सैफ असील खान हे उदयभान सिंहची भूमिका कशी साकारत होते, ते मी खूप जवळून पाहिलंय. त्याचा फायदा मला आता सरकार ही भूमिका साकारताना होणार आहे", असं तो म्हणाला.
करिअरच्या सुरुवातीलाच नकारात्मक भूमिका मिळाली म्हणून निराश न होता तो या संधीकडे फार सकारात्मक दृष्टीकोनातून पाहत आहे. यासाठी त्याने निर्माते निखिल शेठ आणि कल्याणी पठारे यांचे आभार मानले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.