तेलुगू चित्रपटसृष्टीतील ज्येष्ठ अभिनेते राजा बाबू Raja Babu यांचे निधन झाले. राजा बाबू यांनी अनेक तेलुगू चित्रपटांमध्ये दमदार भूमिका साकारल्या आहेत. गेल्या काही वर्षांपासून ते आजारी होते. रविवारी त्यांनी अखेरचा श्वास घेतला. राजा बाबू हे ६४ वर्षांचे होते.

'उरिकी मोनागाडू' या चित्रपटातून त्यांनी अभिनयसृष्टीत पदार्पण केलं. ६० हून अधिक चित्रपट आणि टीव्ही शोमध्ये त्यांनी काम केलं. 'वसंत कोकिला', 'मनसू ममता', 'चि ला सौ श्रावंती', 'प्रियांका' यांसारख्या त्यांच्या मालिका खूप गाजल्या.

समुद्रम, मुरारी, आडावरी मातलकू अर्धले वेरुले, सीतम्मा वाकिटलो सिरिमल्ले चेट्टू, मल्ली रावा, श्रीकारम, ब्रह्मोत्सवम, आणि भारत अने नेनू या चित्रपटांमध्ये त्यांनी साकारलेल्या भूमिका लोकप्रिय ठरल्या. राजा बाबू यांच्या पश्चात त्यांनी पत्नी आणि तीन मुलं आहे.