The Grey Man Movie: रजनीकांतचा जावई म्हणून धनुषला सारं जग ओळखायचं. पण झालं असं की, काही महिन्यांपूर्वी रजनीकांतची मुलगी ऐश्वर्या आणि धनुषचा काडीमोड झाला. असंख्य चाहत्यांना कमालीचं वाईट वाटलं. ज्या अभिनेत्यावर आपण एवढं प्रेम करतो, ज्याचे चित्रपट पाहण्यासाठी थिएटरमध्ये गर्दी करतो त्या (tollywood News) धनुषनं असं करणं त्याच्या चाहत्यांना आवडलं नाही. वास्तविक काही वर्षांपासून ऐश्वर्या आणि धनुषमध्ये काही आलबेल नव्हतं. त्यांचं (Dhanush movie news) बिनसलं हे सोशल मीडियावर व्हायरल झालं आणि वेगळ्याच चर्चेला तोंड फुटलं. सध्या धनुष वेगवेगळ्या कारणांसाठी पुन्हा एकदा सोशल मीडियावर चर्चेत आला आहे.

कॅप्टन अमेरिकामध्ये प्रमुख भूमिका साकारलेल्या ख्रिस इव्हान्सनं धनुषला (Entertainment News) पाहून जी रिअॅक्शन दिली आहे ती चर्चेत आली आहे. त्यावर नेटकऱ्यांनी वेगवेगळ्या प्रतिक्रियाही दिल्या आहेत. त्याचे कारण प्रसिद्ध अभिनेता धनुष हा द ग्रे मॅनमधून हॉलीवूडमध्ये दिसणार आहे. त्यामुळे त्याला नेटकऱ्यांनी शुभेच्छाही दिल्या आहेत. गेल्या वर्षी धनुषला असुरनमधील भूमिकेसाठी राष्ट्रपतीपदकानं गौरविण्यात आले होते. त्यानंतर वेगवेगळ्या चित्रपटांतून धनुषनं चाहत्यांचे लक्ष वेधून घेतले आहे.

सध्या धनुषकडे हॉलीवूडचा द ग्रे मॅनचा प्रोजेक्ट आहे. त्याचा टीझर काही दिवसांपूर्वी प्रदर्शित झाला होता. त्याला प्रेक्षकांनी मोठी दाद दिली. आता धनुषच्या चाहत्यांना द ग्रे मॅनचे वेध लागले आहे. येत्या वर्षी डिसेंबर अखेर हा चित्रपट प्रेक्षकांच्या भेटीला येणार असल्याचे सांगण्यात आले आहे. सोशल मीडियावरील व्हायरल झालेल्या त्या व्हिडिओविषयी सांगायचे झाल्यास त्यात, ख्रिस आपल्या सहकाऱ्यांसोबत निघाला असताना त्याला त्या कार्यक्रमामध्ये अचानक धनुष दिसतो. त्यानंतर त्यानं मनपूर्वक धनुषचं स्वागतही केलं आहे.