The Kerala Story Box office Collection: 'द केरळ स्टोरी' आता एक असा सिनेमा बनला आहे ज्यानं लोकांना त्याच्या कथेवर विचार करायला भाग पाडलं आहे. काही लोकांचे म्हणणे आहे की हा पूर्णपणे एकच बाजू दाखवलेला सिनेमा आहे. तर काही लोक याला हिंदू-मुस्लिम संघर्षाची कहाणी म्हणताना दिसत आहेत.

'द केरळ स्टोरी'ची चर्चा आता घराघरात होत आहे. या सिनेमामुळे वाद निर्माण झाला असला तरी त्याचा फायदाच झाला आहे. सिनेमाचं मोठं प्रमोशन झालं आणि सर्वसामान्यांपासून दिग्गजांपर्यंत हा सिनेमा पोहोचला आहे.(The Kerala Story Box office Collection Overtake 6 big budget movie)

सिनेमाच्या रिलीजचा १६ वा दिवस आहे आणि लागोपाठ १५ दिवस हा सिनेमा बॉक्सऑफिसवर तुफान कमाई करताना दिसत आहे. फक्त ४० करोडच्या बजेटमध्ये बनलेल्या 'द केरळ स्टोरी'च्या दमदार कमाईनं सगळ्यांनाच हैराण करुन सोडलं आहे.

बोललं जात आहे की लवकरच हा सिनेमा २०० करोडची कमाई करेल. आता पर्यंत 'द केरळ स्टोरी' सिनेमानं १७० करोडहून अधिक केली आहे. या सिनेमानं बॉक्सऑफिसवर रिलीज झालेल्या तब्बल ६ सिनेमांना कमाईच्याबाबतीत मागे टाकलं आहे.

सलमान खानपासून रणबीर कपूर पर्यंतच्या सिनेमांनी देखील कमाईच्या बाबतील द केरळ स्टोरीपुढे नांगी टाकली आहे. मिळालेल्या माहितीनुसार 'द केरळ स्टोरी'नं १५ व्या दिवशी ६ करोडचं कलेक्शन केलं आहे. १५ दिवसांच्या हिशोबानं ही कमाई खूप चांगली मानली जातेय.

अर्थात शनिवार आणि रविवारचे आकडे या सिनेमाला २०० करोडच्या क्लबमध्ये एन्ट्री करण्यासाठी मोठं सहकार्य करू शकतात. १५ दिवसांचं टोटल कलेक्शन पाहिलं तर आतापर्यंत या सिनेमानं १७७.७२ पेक्षा अधिक कमाई केली आहे.

१० व्या दिवशी द केरळ स्टोरीनं सगळ्यात अधिक कमाई केली होती. सिनेमानं २३ करोड कमावून रेकॉर्ड केला होता. तर ९ व्या दिवशीची कमाई देखील मेकर्सना हॅप्पी करणारी होती. या सिनेमाच्या टॅक्स फ्री ची चर्चा देखील होत आहे.

अनेक ठिकाणी सरकारनं या सिनेमाला विनामूल्य केलं आहे. तर काही राज्याच्या सरकारनं या सिनेमाला टॅक्स फ्री केलं आहे. अशामध्ये अभिनेत्री अदा शर्मा साठी 'द केरळ स्टोरी' आता करिअरमधला मोठा टर्निंग पॉइंट ठरणार आहे.