हिरोपंती (Heropanti ) या चित्रपटातून टायगरनं बॉलीवूडमध्ये (entry in bollywood) पदार्पण केले होते. नाडियाडवाला यांनी टाइगर श्रॉफला ब्रेक दिला होता. आता हिरोपंती 2 मध्ये देखील चमकदार आणि स्टाइलिश एक्शनची जादू प्रेक्षकांना पाहायला मिळणार आहे. अहमद खानद्वारे दिग्दर्शित साजिद नाडियाडवाला यांच्या आगामी हिरोपंती 2 ने मार्च महिन्यात मुंबईमध्ये एक छोटे शुटींग शेड्यूल पूर्ण केले आहे.

हिरोपंतीच्या या टीमनं आपला मोर्चा रशियाकडे (russia) वळवला आहे. चित्रपटाचे दुसरे शुटींग शेड्यूल रशियात पार पडणार आहे. टाइगर श्रॉफ, तारा सुतारिया आणि नवाजुद्दीन सिद्दीकी अभिनीत ही टीम पुढच्या महिन्यात मॉस्कोमध्ये आणि त्यानंतर रशियात सेंट पीटर्सबर्गमध्ये चित्रीकरण करणार आहे. हिरोपंती 2 शी निगडीत सूत्रांनी दिलेल्या माहितीनुसार, "टीम मॉस्को आणि सेंट पीटर्सबर्गमध्ये चित्रपटातील प्रमुख साहसदृश्ये यासोबत एका गाण्याचे चित्रीकरण होणार आहे.

चित्रपटातील लार्जर दॅन लाइफ एक्शन दृशांना चित्रित करण्यासाठी अनेक स्टंट डिजाइनर्ससोबत बोलणे सुरु आहे ज्यामध्ये एक नाव सुप्रसिद्ध मार्टिन इवानो यांचे आहे, जे स्कायफॉल (2012), द बॉर्न अल्टीमेटम (2007) आणि द बॉर्न सुप्रमसी (2004) साठी ओळखले जातात."