Tv actress kenisha bhardwaj: टीव्ही मनोरंजन क्षेत्रातील प्रसिद्ध अभिनेत्री केनिशा भारद्वाजला मोठा धक्का बसला आहे. तिची पर्शियन मांजर चोरीला गेल्यानं तिनं पोलिसांकडे धाव घेतली आहे. सोशल मीडियावर ही बातमी व्हायरल होताच चाहत्यांनी तिलाच वेगवेगळे प्रश्न विचारुन भंडावून सोडले आहे. अभिनेत्रीनं बांद्रा (Social media viral) पोलिसांकडे मांजर हरवल्याची तक्रारही दाखल केली आहे. कॅरिस असं तिच्या मांजरीचे नाव आहे. बँडस्टॅड येथे केनिशाचा बंगला आहे. तिथून ही मांजर गायब झाल्याचे असं तिचं म्हणणं आहे.

आपली मांजर घरात नसल्याचे तिच्या लक्षात येताच तिनं तातडीनं पोलिसांकडे धाव घेतली. त्यांच्याकडे तक्रार नोंदवली आहे. एक अनोळखी व्यक्तीनं मांजर (entertainment news) पकडून नेल्याचे केनिशानं तिच्या जबाबात म्हटले आहे. पोलिसांनी यावेळी एका अनोळखी व्यक्तिच्या विरोधात गुन्हाही दाखल करुन घेतला आहे. सध्या पोलीस केनिशाच्या घराबाहेर असलेल्या सीसीटीव्हींची तपासणी करत आहे.

केनिशाविषयी सांगायचे झाल्यास ती एक प्रसिद्ध टीव्ही मनोरंजन क्षेत्रातील अभिनेत्री आहे. तिनं ससुराल सिमर का मालिकेमध्ये काम केले आहे. केनिशाला तिच्या एका मित्रानं चार वर्षांपूर्वी ती पर्शियन कॅट गिफ्ट केली होती. तेव्हापासून केनिशाकडे ती कॅट होती. केनिशानं यावेळी सोशल मीडियावरुन आपल्या चाहत्यांना आणि नेटकऱ्यांना आवाहन केलं आहे की, कुणाला त्या पर्शियन मांजरीविषयी कळाल्यास संपर्क करावा.

केनिशानं एका इंग्रजी दैनिकाला दिलेल्या माहितीनुसार, तिला नियमितपणे बँडस्टँडकडे घेऊन जाणाऱ्या रिक्षाचालकाविषयी सांगितले. त्यावेळी ती मांजर रिक्षातील एका पिंजऱ्यात होती. जेव्हा रिक्षाचालक काही कामानिमित्त बाहेर गेला तेव्हा एका व्यक्तीनं तो पिंजरा उचलून नेला. असे केनिशानं सांगितले.