मुंबई : एका अभिनेत्रीने काही महिन्यांपूर्वी आपली आलिशान कार विकून चक्क रिक्षा घेतली आणि आता ती हा रिक्षा स्वतः चालवत सेटवर जाते. यशश्री मसुरकर असे या अभिनेत्रीचे नाव आहे. रंग बदलती ओढणी, चंद्रगुप्त मौर्य अशा अनेक मालिकांमध्ये तिने काम केले आहे.

ताज्या बातम्यांसाठी डाऊनलोड करा ई-सकाळचे ऍप

गाडी विकून तिने रिक्षा घेण्यामागचे कारण सांगताना एका इंग्रजी वर्तमानपत्राला दिलेल्या मुलाखतीत म्हटले आहे की, रिक्षा घेतल्यापासून माझे पैसे आणि वेळ या दोन्ही गोष्टी वाचतात. माझ्याकडे कार होती. पण मला कार चालवता येत नव्हती. म्हणून मला ड्रायव्हरवर विसंबून राहावे लागत असे. त्यामुळे मी कार विकून रिक्षा घेतली आणि रिक्षा चालवत मीच सगळीकडे जायला लागले असे यशश्रीने सांगितले.

IndvsNZ : दुसरा सामना जिंकत के एल राहुलचे अनोखे दोन विक्रम

यशश्री म्हणाली, 'सुरुवातीला मी रिक्षा चालवत असताना लोक माझ्याकडे आश्चर्यचकित होऊन पाहायचे. पण, आता मला याची सवय झाली आहे. ही कल्पना यशश्रीला तिच्या मित्रामुळे असल्याचेही तिने सांगितले आहे. तिचा मित्र डेन्मार्कवरून थेट मुंबईला सायकलवरून आला होता. डेन्मार्क ते मुंबई प्रवासासाठी त्याला 1 वर्ष 6 महीने इतका कालावधी लागला होता. त्याची कहाणी तिला प्रेरणादायी वाटली, म्हणून तिने रिक्षाने मुंबई ते आग्रा असा प्रवास केला असल्याचेही सांगितले.

मुख्यमंत्री ध्वजारोहण करणार तिथेच काँग्रेस नेत्यांची हाणामारी

यशश्री सध्या रेडीओ जॉकी म्हणून काम करत आहे. रेडीयो जॉकी म्हणून काम करण्यातही एक वेगळीच मजा येत असल्याचे तिने म्हटले आहे. एवढेच नव्हे तर यशश्री अनेकवेळा गरजू मुलांना तिच्या रिक्षामधून लिफ्ट देखील देते. तिने सुरुवातीला रिक्षा चालवायला सुरुवात केली, त्यावेळी तिच्याच मित्रमैत्रिणींनी तिची टर उडवली होती. पण आता सगळ्यांनाच तिला या रूपात पाहायची सवय झाली आहे.