Urfi Javed: आपल्या अतरंगी लूकनं आणि अंदाजानं नेहमीच चर्चेत पहायला मिळणारी उर्फी जावेद सध्या एका विचित्र आजाराशी झुंज देत आहे. उर्फीचा एक व्हिडीओ सध्या चर्चेत पहायला मिळतो,ज्यात ती एका दुबईतील हॉस्पिटलमध्ये नजरेस पडतेय. उर्फीनं हे देखील सांगितलं की तिला नेमका कोणता आजार झाला आहे. (Urfi Javed diagnosed with laryngitis,share video from dubai)

उर्फी या आजारामुळेच दुबईतील हॉस्पिटलमध्ये भरती झाली आहे. उर्फीनं आपल्या इन्स्टाग्राम स्टोरीत एका हॉस्पिटलमधला व्हिडीओ शेअर केला होता. उर्फीनं सांगितलं की तिला Laryngitis नावाचा आजार झाला आहे. या आजारासंदर्भात कोणाशीही काही बोलायला डॉक्टरनं उर्फीला मनाई केल्याचं तिच्या एका मित्राकडून कळालं आहे. तसंच,तिला स्वतःलाही न बोलण्याची ताकीद डॉक्टरांनी दिलीय कारण या आजारात स्वरयंत्राचा दाह खूप त्रासदायक असतो.

उर्फीनं पोस्ट केलेल्या व्हिडीओत तिचा चेहरा थोडा विचित्र दिसतोय,थकलेला दिसतोय आणि खूप बदलेला दिसतोय. या व्हिडीओच्या एका झलकमध्ये तरी तिला खरंच काहीतरी गंभीर झालंय हे स्पष्ट दिसतंय. उर्फीला या आजारातून बरं व्हायला किती वेळ लागेल आणि सध्या तिची परिस्थिती कशी आहे यासंदर्भात तरी तिनं काहीच माहिती दिलेली नाही.

काही दिवसांपूर्वी हॉट साडी लूकमध्ये उर्फी एअरपोर्टवरनं आता जाताना दिसली खरं ,पण तेव्हा कोणालाच अंदाज आला नव्हता की ती नेमकी कुठे आणि का चाललीय. पण त्यानंतर लगेचच समोर आलेल्या व्हिडीओत उर्फीला विचित्र अवस्थेत पाहून तिचे चाहतेच नाहीत तर तिला ट्रोल करणारेही चिंतेत पडलेयत.