Urfi Javed Help Poor Kids : सोशल मीडियावर उर्फीचा एक दिवस असा जात नाही की ज्यामुळे ती चर्चेत येत नाही. उर्फी ही नेहमीच तिच्या वेगवेगळ्या फॅशनमुळे चर्चेत असते. उर्फीच्या अतरंगी फॅशनला कोणतीही वस्तू पुरेशी असल्याचे दिसून आले आहे. मात्र सध्या व्हायरल झालेल्या त्या व्हिडिओमुळे उर्फीवर अनेकांनी कौतूकाचा वर्षाव केला आहे.

सोशल मीडिया क्वीन म्हणून उर्फीचे नाव घेतले जाते. तिनं आता एका हॉटेलच्या बाहेर असलेल्या लहान मुलांना पाचशेच्या नोटा वाटल्याचे दिसून आले. तो व्हिडिओ व्हायरल झाला असून त्याला नेटकऱ्यांचा मोठा प्रतिसाद मिळाला आहे. गेल्या काही दिवसांपासून उर्फी ही चर्चेत आली आहे. उर्फी आपल्या कारमध्ये बसण्यासाठी निघाली असताना त्या मुलांनी तिच्या कारभोवती गर्दी केली होती. त्याचवेळी उर्फीनं मुलांना पाचशेच्या नोटा वाटून धमाल उडवून दिली आहे.

Also Read - Fatty Liver Disease: संतुलित आहारातून रोखा फॅटी लिव्हरचा आजार

उर्फीनं त्या मुलांना पाचशेच्या नोटा दिल्यानंतर त्यापैकी एक मुलगा पुन्हा तिच्याकडे येतो आणि तिच्याकडे पैशांची मागणी करतो. तेव्हा ती त्याला मी सगळ्यांना पाचशेच्या नोटा दिल्या.एवढे पैसे देऊनही तुम्ही समाधानी का नाही, असा प्रश्न तिनं त्या मुलाला विचारला होता.

कपड्यांमुळे उर्फीला इंट्री मिळाली नव्हती.. काही दिवसांपूर्वी उर्फीला एका हॉटेलमध्ये जाण्यास मज्जाव करण्यात आला होता. त्यानंतर तिनं त्या हॉटेलबाहेर राडा केला होता. उर्फीनं आपल्याला हॉटेलमध्ये प्रवेश का दिला जात नाही? असा प्रश्न तिनं कर्मचाऱ्यांना केला होता. मॅनेजरसोबत तिचा वादही झाला होता. त्यानंतर सोशल मीडियावर तो व्हिडिओ व्हायरल झाल्यानं वेगळ्याच चर्चेला उधाण आले होते.

तुम्हाला माझे कपडे आवडत नसतील तर काही हरकत नाही. पण मला हॉटेलमध्ये प्रवेशच नाकारणे हे योग्य नाही. तुम्ही माझ्याशी असे वागू शकत नाही. त्यानंतर उर्फीच्या चाहत्यांनी या गोष्टीवरुन ते हॉटेल आणि मॅनेजरवर तीव्र शब्दांत टीका केली होती. त्यांना ट्रोल करण्यात आले होते. काहींनी उर्फीचा हा नेहमीप्रमाणे ड्रामा असल्याचे म्हटले होते.