Urfi Javed: बॉलीवूडची बेबो म्हणजे करीना कपूर सध्या आपला टॉक शो 'व्हॉट वीमेन वॉंट' मुळे भलतीच चर्चेत पहायला मिळते आहे. करिना अनेकदा आपल्या बोल्ड आणि हॉट लूकमुळे चर्चेत असलेली पहायला मिळते. करिनाच्या शो च्या प्रेमात अनेक चाहते आहेत.

काही दिवसांपूर्वीच करीनानं उर्फीच्या फॅशन सेन्सची जोरदार प्रशंसा करत तिच्याविषयी मोठमोठी वाक्य ती बोलून गेली होती. एवढंच नाही तर करिनानं उर्फीच्या हिमतीला देखील दाद दिली. आणि जेव्हा हे उर्फीला समजलं तेव्हा तिनं खास अंदाजात करिनाचे आभार मानले.(Urfi Javed reacts On kareena kapoor comment)

नुकतंच करिनानं उर्फीची प्रशंसा करत म्हटलं होतं की,''मी उर्फी एवढी साहसी मुळीच नाही. मला वाटतं की ती खूपच धाडसी आहे. ज्या आत्मविश्वासानं ती आपल्या ड्रेसला कॅरी करताना दिसते ते खूपच अद्भूत आहे. माणसाचा आत्मविश्वासच त्याला सुंदर बनवतो आणि उर्फीचा आत्मविश्वास मला खूप आवडतो''.

बेबो पुढे म्हणाली,''उर्फीला जे वाटतं ती तसंच करते आणि यालाच फॅशन म्हणतात. उर्फीच्या बोल्डपणात खूप सहजता आहे. आणि ती तसंच प्रेझेन्टही करते ते. मी स्वतः एक आत्मविश्वासू मुलगी आहे, म्हणून मला उर्फीचा आत्मविश्वास आवडतो. मला तिची चालायची पद्धत खूप आवडते''.

करीनाच्या या वक्तव्यानंतर उर्फीनं आपल्या ट्वीटर हॅंडलवर बेबोचे आभार मानले आहेत आणि लिहिलं आहे,''करीना खरंच असं म्हणाली आहे का की तिला मी आवडते. मला खरंच विश्वास नाही बसत की खरंच असं घडलं आहे''.

यानंतर उर्फीनं तिच्या इन्स्टा स्टोरीत देखील शेअर केलं आहे की,''मला चार-पाच दिवस लागतील यावर विश्वास ठेवायला, जेव्हा क्वीनच मला पसंत करते आहे तर मला इतर कोण काय बोलतं याच्याशी काही घेणं देणं नाही''.