बॉलिवूडमध्येच काय तर सर्वत्रच विचित्र फॅशन सेन्समुळं चर्चेत असलेलं नाव म्हणजे उर्फी जावेद. ती कुठेही दिसली तर पहिले लक्ष ते तिच्या कपड्याकडे जाते. ती जिथे ही जाते तिथली लाईमलाईट तिच्याकडे वळतेच असंच काहीसं झालं ते बॉलीवूडचे प्रसिद्ध फॅशन डिझायनर अबू जानी-संदीप खोसला यांच्या पार्टीत. त्यांनी गुरुवारी मुंबईत त्यांच्या नवीन फॅशन फिल्म 'मेरा नूर है मशहूर'चा प्रीमियर आयोजित केला होता

या फिल्म इव्हेंटमध्ये जया बच्चनपासून इंडस्ट्रीतील सर्व स्टार्स पोहोचले होते. दरम्यान यात उर्फी जावेदही आली होती. पापाराझी उर्फीचे फोटो काढत असतांनाच तिथे दिवंगत स्टार इरफान खानचा मुलगा बाबिल खानही दिसला.

त्यावेळी उर्फीने कार्यक्रमात बाबिलचे कौतुक केले. तिने पापाराझीच्या लक्षात आणुन दिलं की बाबिल आला आहे आणि तो खुप चांगला आहे. तुम्ही बाबिलचे फोटो काढा. मात्र यादरम्यान बाबीलने एक नजरही उर्फीकडे पाहिलं नाही. मात्र हा व्हिडिओ सध्या सोशल मिडियावर व्हायरल झाला.

हा व्हिडिओ पाहताच युजर्सनी कमेंट करायला सुरुवात केली. एकानं लिहिलंय की, बाबिलने उर्फीची सर्व लाइमलाइट घेतली. तर एकाने लिहिलयं की बाबिलने उर्फीला भावही दिला नाही. तर काहींनी बाबीलच्या ड्रेसिंग सेन्सवर कमेंट करत त्याला ट्रोल केलं आहे. एका यूजरने लिहिले की, स्टारकिड नेहमीच मुलींचे कपडे का घालतात.

बाबिलने उर्फी जावेदकडे दुर्लक्ष केल्याचा व्हिडिओ व्हायरल झाल्यानंतर आता त्याचे काही फोटो देखील समोर आले आहेत, ज्यांना पाहून हे स्पष्ट होते की बाबिलने उर्फीकडे दुर्लक्ष केले नाही. उलट दोघेही एकमेकांना भेटले. बबिलने हसत उर्फीची भेट घेतली.