मुंबई ः अभिनेता वरुण धवनचा कुली नं. 1 हा चित्रपट प्रदर्शनाच्या मार्गावर आहे. चित्रपटगृहे सुरू झाली की कोणत्याही क्षणी तो प्रदर्शित होऊ शकतो. यामध्ये सारा अली खानबरोबर तो रोमान्स करताना दिसणार आहे. नुकतेच या चित्रपटाचे एक पोस्टर्स त्याने सोशल मीडियावर टाकले आणि चाहत्यांनी त्याला चांगल्या कमेंटस्् दिल्या. आज वरुणने आपल्या आईचा बर्थ डे सेलिब्रेट केला आणि त्याने तो फोटो व व्हिडीओ सोशल मीडियावर टाकला आहे.

वाचा ः आयुषमान खुराना म्हणाला, अखेर माझे स्वप्न पूर्ण झाले...

वरुण धवनने स्टुडंट ऑफ द इअर या चित्रपटाव्दारे रुपेरी पडद्यावर आगमन केले. त्यानंतर बद्रिनाथ की दुल्हनियां, हम्टी शर्मा की दुल्हनियां, बदलापूर, स्ट्रीट डान्सर 3डी, कलंक अशा काही चित्रपटांमध्ये त्याने काम केले आहे. तो उत्तम अभिनेता आणि डान्सरही आहे. त्याची तुलना गोविंदाबरोबर केली जाते. कलंक आणि स्ट्रीट डान्सर ३ डी या त्याच्या चित्रपटांना म्हणावा तसा व्यवसाय केला नाही. त्यामुळे आता तो चित्रपट स्वीकारताना खूप सतर्क आहे. कुली नं. 1 हा चित्रपट त्याचे वडील डेव्हिड धवन यांनी दिग्दर्शित केला आहे. 

वाचा ः अभिनेता पुलकित सम्राट पुन्हा सज्ज झाला आहे हसविण्यासाठी; वाचा सविस्तर...

बाप व बेटा म्हणून ते पहिल्यांदाच एकत्र चित्रपटात काम करीत आहेत. या चित्रपटाकडून त्याला खूप अपेक्षा आहेत. आज त्याची आई करुणा धवन हिचा वाढदिवस. तो त्याने केक कापून घरी साजरा केला. आपल्या आईचा वरुण लाडका आहे. त्याने आईला हॅपी बर्थ डे अशा शुभेच्छाही दिल्या आहेत.