भारताचाच नव्हे तर सर्व जगाचा लोकप्रिय भारताचा माजी कर्णधार विराट कोहली आज त्याचा ३४ वा वाढदिवस साजरा करत आहे. किंग कोहली सध्या ऑस्ट्रेलियात T20 विश्वचषक 2022 खेळत आहे. त्याच्या धमाकेदार कमबॅकने अनेकांना धक्काच बसला तर त्याच्या चाहत्यांमध्ये वेगळाच उत्साह आहे.

त्यांचा यदांचा वाढदिवस विशेष महत्वाचा आहे. त्याच्या दमदार खेळीने त्याने T20 विश्वचषकात त्याच्या नावाचा डंका वाजवला आहे. त्याच्या वाढदिवसानिमित्त अनेक दिग्गजांनी त्याला वाढदिवसाच्या शुभेच्छा दिल्यात पण अनुष्का शर्माने तिच्या नवऱ्याला दिलेल्या शुभेच्छांनी सर्वाचे लक्ष वेधुन घेतले आहे.

अनुष्का शर्माने त्याला खास शुभेच्छा देतांना काही फोटो सोशल मीडियावर शेअर केले आहेत. अनुष्का शर्माने तित्या अधिकृत इंस्टाग्रामवर विराट कोहलीच्या फनी फोटो पोस्ट केले आहेत. या फोटोंमध्ये विराट कोहलीच्या चेहऱ्याचे भाव पाहण्यासारखे आहेत. त्याने या फोटोत वेडेवाकडे एक्सप्रेशन दिले आहेत.

हे फोटो पोस्ट करताना तिने अनोखे कॅप्शनही लिहिले त्यात ती म्हणते की, “तुझा वाढदिवस आहे. माय लव्ह , त्यामुळे साहजिकच मी या पोस्टसाठी तुझा सर्वोत्तम अँगल असलेले फोटो निवडले आहेत. प्रत्येक स्टेट, फॉर्म आणि मार्गात तुझ्यावर प्रेम करत राहणार”

तर बर्थडे बॉय विराट कोहलीनेही अनुष्काच्या या पोस्टवर कमेंट केली आहे. विराटने अनुष्काच्या पोस्टवर हास्य इमोजी आणि अनेक हार्ट-साइड इमोटिकॉनसह आपली प्रतिक्रिया दिली आहे. तिच्या या फोटोंनाही तिच्या चाहत्यांनी मजेशीर कमेंट केल्या आहेत. विराट कोहली आणि अनुष्का शर्मा 2013 मध्ये पहिल्यांदा भेटले होते.

एका जाहिरातीच्या शूटिंगदरम्यान दोघांची भेट झाली. कोहली आणि अनुष्का एका शॅम्पू ब्रँडची टीव्ही जाहिरातीचे शूटिंग करत होते. त्यानंतर दोघांची मैत्री झाली अन् मैत्रीचं रुपांतर प्रेमात झालं. त्यानंतर विराट आणि अनुष्काने 2017 मध्ये इटलीत लग्न केले.