मुंबई ः हिंदी चित्रपटसृष्टीत सिक्स पॅक्सला खूपच महत्त्व आलेले आहे. कारण हिंदी चित्रपटसृष्टीतील हिरो म्हटलं की त्याची पिळदार शरीरयष्टी ही असायलाच हवी आणि त्या दृष्टीने अनेक अभिनेते प्रयत्न करीत असतात. हिंदीबरोबरच मराठी चित्रपटसृष्टीतील कलाकार मंडळी सुद्धा असे पिळदार शरीर राखण्यात मागे नाहीत. 

वाचा ः क्रिकेटच्या पंढरीत कधी सुरू होणार क्रिकेटची वारी; 'ही' स्पर्धा झाली जवळपास रद्द

आतापर्यंत विविध प्रकारच्या भूमिका करणारा अभिनेता देवदत्त नागे म्हणजेच आपल्या सगळ्यांचा लाडका 'डॉक्टर डॉन' याला व्यायामाची खूप आवड आहे हे सगळ्यांना ठाऊक आहे.  बॉलीवूडमधील अनेक अभिनेत्यांच्या तोडीसतोड शरीरयष्टी त्याने बनविली  आहे. 'झी युवा' वाहिनीवरील, 'डॉक्टर डॉन' या मालिकेत, त्याची आखीवरेखीव आणि मजबूत शरीरयष्टी आपण सर्वांनीच पाहिली आहे. त्यासाठी तो घेत असलेली मेहनत, सर्व तरुणांच्या चर्चेचा आणि प्रेरणेचा विषय ठरते.

वाचा ः मुंबईतील गुन्हेगारीवर बसणार वचक; चकमक फेम सचिन वाझेंची झाली 'इथे' नियुक्ती....

सध्या देवदत्तचा एक फोटो  इन्स्टाग्रामवर खूपच व्हायरल झाला आहे. देवदत्त सतरा वर्षांचा असतानाचा एक फोटो यात पाहायला मिळत आहे. त्याचबरोबरीने, पिळदार शरीर असलेला सध्याचा फोटो सुद्धा पाहायला मिळतो आहे. मेहनत घेतल्यामुळे त्याच्या सुदृढ शरीराला मिळालेलं पिळदार स्वरूप हे तरुणांसाठी नवी प्रेरणा ठरली आहे.

वाचा ः सोनू सूद आणि उद्धव ठाकरे यांच्यात 'त्या' रात्री मातोश्रीवर काय झाली होती चर्चा? वाचा...

देवदत्तने हे फोटो टाकून आजच्या तरुणांना सकारात्मक संदेश देण्याचा प्रयत्न केला आहे. सतराव्या वर्षी, उंच आणि काहीसा सडपातळ असलेला देवदत्त नागे, याचा सध्याचा शारीरिक बांधा बघून, भले भले आश्चर्यचकित होतात. देवदत्तने अपार मेहनत घेऊन हे शरीर कमावले आहे. देवदत्तचे जुना अर्थात सतरा वर्षांचा असतानाचा फोटो आणि आताचा फोटो पाहून आपणसुद्धा पिळदार शरीरयष्टी कमावू शकतो, असे अनेक तरुणांना वाटू लागले आहे.