सारा अली खान आणि विकी कौशल यांचा 'जरा हटके जरा बचके' हा चित्रपट शुक्रवारी रिलीज झाला आहे. हा चित्रपट एक रोमँटिक कॉमेडी आहे ज्यामध्ये सारा अली खान पहिल्यांदाच विकी कौशलसोबत स्क्रीन शेअर करत आहे.

ZHZB स्टार्सनीही चित्रपटाचं भरपूर प्रमोशनही केले आहे. अशा परिस्थितीत आता या चित्रपटाला प्रेक्षकांना कसा प्रतिसाद मिळाला हे जाणुन घेण्यासाठी चाहते उत्सूक आहेत. आता या चित्रटाच्या पहिल्या दिवसाच्या कमाईचे आकडे देखील समोर आले आहे.

रिपोर्ट्सनुसार या चित्रपटाला चांगला प्रतिसाद मिळत आहे. विकी आणि साराची जोडी खूप आवडली आहे. चित्रपटाच्या पहिल्या दिवसाच्या कलेक्शनवरून याचा अंदाज येतो.

(zara hatke zara bachke box office collection day 1)

ट्रेड अॅनालिस्ट तरण आदर्श यांच्या रिपोर्टनुसार, चित्रपटाने पहिल्या दिवशी 5.49 कोटींची कमाई केली आहे. आता वीकेंडला हे कलेक्शन वाढण्याची अपेक्षा आहे. विकी आणि साराचा चित्रपट चांगली कमाई करेल असा अंदाजही आहे.

रिलीझच्या आधी संध्याकाळी बाय वन गेट वन ऑफरमुळे, तिकीटांच्या विक्रित वाढ दिसून आली. पीव्हीआर, आयनॉक्स आणि सिनेपोलिसने पहिल्या दिवशी जवळपास 3.15 कोटी रुपयांची कमाई केली आहे.

बाय वन गेट वन ची ऑफर लोकांना खूप भुरळ पाडणारी होती आणि त्यामुळे प्रचंड गर्दीही थिएटरमध्ये जमली. तर अंदाजानुसार, पहिल्या वीकेंडमध्ये चित्रपट 15 कोटींची कमाई करू शकतो.

'जरा हटके जरा बचके' हा विकी कौशलचा दुसरा सर्वात मोठा ओपनर चित्रपट ठरला आहे. विकीचा पहिला सर्वात मोठा ओपनर चित्रपट 'उरी: द सर्जिकल स्ट्राइक' होता. तर दुसरीकडे साराचा 'सिम्बा', 'लव्ह आज कल 2' आणि 'केदारनाथ' नंतर ही चौथा मोठा ओपनर चित्रपट ठरला आहे.

सारा आणि विकीचे शेवटचे काही चित्रपट ओटीटीवर प्रदर्शित झाले आहेत. असे असतानाही ही स्टार जोडी प्रेक्षकांना सिनेमागृहाकडे आकर्षित करण्यात यशस्वी ठरली आहे. या रोमँटिक ड्रामा चित्रपटाला संमिश्र प्रतिसाद मिळाला आहे, आता चित्रपट एकूण किती कमाई करतो हे पाहावे लागेल.