Zara Hatke Zara Bachke Trailer Sara Ali Khan Vicky Kaushal : बॉलीवूडची प्रसिद्ध अभिनेत्री सारा अली खान आणि अभिनेता विकी कौशल यांची प्रमुख भूमिका असलेला जरा हटके जरा बचके नावाच्या चित्रपटाचा ट्रेलर प्रदर्शित झाला आहे. त्याला नेटकऱ्यांचा मोठा प्रतिसाद मिळताना दिसतो आहे. त्यातील सारा अन् विकीच्या वेगळ्या अंदाजाचे प्रेक्षकांनी स्वागत केले आहे.

सारा अली खान आणि विकीची भूमिका असलेला जरा हटके जरा बचकेचा ट्रेलर प्रदर्शित होताच तो सोशल मीडियावर ट्रेडिंगचा विषय आहे. त्यावर नेटकऱ्यांनी दिलेल्या प्रतिक्रिया दिल्या आहेत. काहींनी तर या दोन्ही सेलिब्रेटींना तुमचा हा चित्रपट तरी बॉक्स ऑफिसवर चालेल अशी अपेक्षा आहे अशी टोमणाबाजी त्यांना सुरु केली आहे. याचे कारण सारा अली खानच्या यापूर्वीच्या चित्रपटांना प्रेक्षकांचा फारसा प्रतिसाद मिळाला नव्हता.

Also Read -Fatty Liver Disease: संतुलित आहारातून रोखा फॅटी लिव्हरचा आजार

विकी कौशल विषयी बोलायचे झाल्यास त्याचा सरदार उधमनंतर प्रेक्षकांच्या कौतूकास पात्र होईल असा चित्रपट आलेला नाही. भलेही विकीवर वेगवेगळ्या पुरस्कारांचा वर्षाव झाला असेल पण अजुन त्याला मेगा हिट, ब्लॉकबस्टरसाठी आणखी संघर्ष करावा लागतो आहे. लक्ष्मण उत्तेकर दिग्दर्शित या चित्रपटामध्ये विकीच्या भूमिकेचं कौतूक होताना दिसत असून चाहत्यांनी त्याला शुभेच्छा दिल्या आहेत.

व्हायरल झालेल्या ट्रेलरमध्ये विकी कौशल आणि सारा अली खानचा तो बेधडक अंदाज नेटकऱ्यांना भावला आहे. त्या दोघांनी पती पत्नीची भूमिका केल्याचे दिसून येत आहे. चित्रपटातील संवादही लक्षवेधी आहेत. काही करुन तिला तिच्यापासून घटस्फोट घ्यायचा आहे. वैवाहिक नात्याला लागलेली घरघर, प्रेमाचं व्देषात झालेलं रुपांतर आणि गोड दिवस सरल्यावर आलेले कटू दिवस हे सारं काही त्या ट्रेलरमध्ये दिसून येत आहे. त्यावरुन नेटकऱ्यांनी वेगवेगळे अंदाज बांधण्यास सुरुवात केली आहे.

जियो स्टुडिओ आणि दिनेश विजन यांनी जरा हटके जरा बचके या चित्रपटाची निर्मिती केली आहे. तर प्रसिद्ध दिग्दर्शक लक्ष्मण उत्तेकर यांनी त्याचे दिग्दर्शन केले आहे. त्याच्या लेखनाची जबाबदारी देखील उत्तेकर यांनी पार पाडली आहे. विकी कौशल, सारा अली खान यांची प्रमुख भूमिका असलेला हा चित्रपट दोन जुन रोजी थिएटरमध्ये प्रदर्शित होणार आहे.