सिल्लोड (जि.औरंगाबाद ) : सिल्लोड-कन्नड रस्त्यावर शुक्रवारी (ता. 29) सकाळी साडेआठ वाजेच्या सुमारास भरधाव जाणाऱ्या काळीपिवळी जीपचे चाक निखळून पडल्यामुळे दोन-तीनवेळा उलटून जीप रस्त्याच्या खाली जाऊन पडली. या अपघातात जीपमधील पंधरा प्रवासी जखमी झाले आहेत.
सिल्लोड-कन्नड रस्त्याचे काम सुरू असून, पर्यायी रस्त्याचीही दुरवस्था झाली आहे. त्यातच जुनाट आणि खिळखिळ्या झालेल्या खासगी प्रवासी वाहनांमधून जीव मुठीत धरूनच प्रवाशांना प्रवास करावा लागतो. शुक्रवारी सकाळी काळीपिवळी जीपमधून शिक्षक प्रवास करीत होते. सिल्लोड येथून घाटनांद्राकडे ही जीप (एमएच-20 - 149) भरधाव जात होती. जीपचे चाक निखळून पडल्यामुळे जीप दोन-तीनवेळा उलटून रस्त्याच्या खाली जाऊन पडली.
या अपघातात रूपाली भगवान अंभोरे, स्वप्नील अर्जुन राठोड, संगीता सर्जेराव मोरे, राजश्री संजय लांडगे, शांताराम महादू गायकवाड, रूपा हनुमंतराव, राजेंद्र सांडू शिंदे, दीपाली रत्नाकर क्षीरसागर, रेखा राजू टाकसाळे, कविता विठ्ठलदगडघाटे हे प्रवासी जखमी झाले. या प्रवाशांना तातडीने सिल्लोड येथील उपजिल्हा रुग्णालयात उपचारासाठी दाखल करण्यात आले. काही प्रवाशांना येथील खासगी रुग्णालयात दाखल करण्यात आले. अपघातग्रस्त जीपचा चुराडा झाला आहे.
हेही वाचा ः कागदाेपत्री मेळ घालत खर्चाचा हिशेब सादर
कामगाराचा विहिरीत पडून मृत्यू
नागापूर (जि.औरंगाबाद) : चिमणापूर (ता.कन्नड) परिसरातील आंबेगाव खुर्द शिवारातील गट क्रमांक दोनमधील विहिरीत पडून मध्य प्रदेश येथील कामगार संजय ग्यानसिंग ब्राह्मणे (वय 25) यांचा मृत्यू झाला. ते कुटुंबासहित बऱ्याच दिवसांपासून मध्य प्रदेशहून चिमणापूर येथील प्रकाश गाडेकर यांच्या शेतात कामासाठी आलेले आहे.
गुरुवारी (ता.28) सायंकाळी सातदरम्यान संजय ब्राह्मणे हे विहिरीवर पाणी काढण्यासाठी गेले असता तोल जाऊन विहिरीत पडले. विहिरीला पाणी भरपूर असल्याने व पोहता येत नसल्याने पाण्यात बुडून त्यांचा मृत्यू झाला. सदर घटना लवकर लक्षात न आल्याने शुक्रवारी (ता.29) सकाळी अकरा वाजेच्या दरम्यान संजय ब्राह्मणे यांचा मृतदेह विहिरीतून काढण्यात आला.
हेही वाचा ः बालवारकरी जाेपासतात दाेनशे वर्षांची परंपरा
या घटनेची माहिती खोलापूर येथील पोलिस पाटील मनसबअली सय्यद यांनी पिशोर पोलिस ठाण्याला कळवल्यानुसार पोलिस उपनिरीक्षक विजय आहेर, पोलिस नाईक कैलास वाघ यांनी घटनास्थळी येऊन पंचनामा केला व मृताचे करंजखेड येथील आरोग्य केंद्रात शवविच्छेदन करण्यात आले. याप्रकरणी आकस्मिक मृत्यूची नोंद करण्यात आली, असून तपास सहायक पोलिस निरीक्षक जगदीश पवार यांच्या मार्गदर्शनाखाली पोलिस नायक कैलास वाघ हे करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.