Akhada Balapur Raktdan 
मराठवाडा

संकटकाळातही ४१ दात्‍यांनी जपले सामाजिक भान

विनायक हेंद्रे

आखाडा बाळापूर (जि. हिंगोली): कोरोनाने सर्वत्र धुमाकूळ घातला असताना रक्तदान चळवळीवर त्याचा परिणाम झाला आहे. अनेक ठिकाणची शिबिरे बंद असल्याने रक्त पिशव्यांचा तुटवडा जाणवत आहे. त्यामुळे येथील कृषी उत्पन्न बाजार समितीचे सभापती दत्ता पाटील बोंढारे व मित्रमंडळातर्फे ‘संकटकाळी माझं योगदान, चला करू रक्तदान’ हा उपक्रम हाती घेत शुक्रवारी (ता. तीन) कुसुमताई सभागृहात रक्तदान शिबिर घेण्यात आले. या रक्‍तदान शिबिरात ४१ दात्‍यांनी रक्‍तदान करत संकटकाळतही सामाजिक भान जपले आहे.

कोरोनाने सर्वत्र धुमाकूळ घातला आहे. शासन व प्रशासनही कोरोना विषाणूचा प्रसार रोखण्यासाठी विविध उपाययोजना राबवित आहे. आरोग्य कर्मचारी, वैद्यकीय अधिकारी, पोलिस कर्मचाऱ्यांसह इतर स्वच्छता यंत्रणा जबाबदारीने काम पार पाडत आहे.  नागरिकही स्वत:सह कुटुंबीयांची काळजी घेत आहेत. तरीही कोरोना बाधित रुग्णांचे प्रमाण वाढत आहे. कोरोनामुळे लॉकडाऊन करण्यात आले आहे.

सभापती दत्ता पाटील बोंढारे यांचा पुढाकार

 दरम्यान, रुग्णाचे प्रमाण वाढत असताना रक्तदाते घरात अडकून पडल्याने रक्तदान शिबिरावर परिणाम झाला आहे. परिणामी अनेक ठिकाणी रक्ताचा तुटवडा जाणवत असल्याचे चित्र आहे. संकटकाळात रक्ताच्या पिशव्या आणणे रुग्णांच्या कुटुंबीयांसमोर आव्हान बनले आहे. रुग्णांच्या नातेवाईकांची होणारी धावपळ लक्षात घेता आपणही संकटकाळात कुणाच्या तरी कामी आले पाहिजे, ही सामाजिक जाण लक्षात घेता येथील कृषी उत्पन्न बाजार समितीचे सभापती दत्ता पाटील बोंढारे व मित्रमंडळाने रक्तदान शिबिर आयोजित करण्याचा निर्णय घेतला. 

सामाजिक भान जपत रक्तदानासाठी योगदान

सामाजिक योगदान देण्याच्या दृष्टिकोनातून ‘संकटकाळी माझं योगदान, चला करू रक्तदान’ हा उपक्रम हाती घेत दात्यांना रक्तदान करण्याचे आवाहन केले. त्यांच्या आवाहनाला प्रतिसाद देत काही वेळातच तब्बत ४१ दाते रक्तदानासाठी तयार झाले. येथील कुसुमताई सभागृहात शुक्रवारी रक्तदान शिबिर घेण्यात आले. यामध्ये या ४१ दात्यांनी रक्तदान करून संकटकाळतही सामाजिक भान जपत रक्तदानासाठी योगदान दिले. 

मित्रमंडळाचे योगदान

कार्यक्रमास जिल्‍हा काँग्रेस कमीटीचे अध्यक्ष संजय बोंढारे यांची उपस्‍थिती होती. कार्यक्रमासाठी प्रवीण बायस, शहाबाज कुरेशी, चेअरमन पांडुरंग बोंढारे, मोहम्मद गौस, संदीप नरवाडे, संदीप बोंढारे, नागेश बोंढारे, प्रमोद बयास, किशोर बोंढारे, चंद्रकिशोर घोडगे, राज बोंढारे, प्रदीप हरण, ऋषिकेश बोंढारे, सचिन पाटील हेंद्रे, अविनाश पानपट्टे, महेश धांडे, ज्ञानेश्वर पडघणे, विष्णू हरण यांनी पुढाकार घेतला.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

IND vs NZ, 1st Test: शुभमन गिलने टॉस जिंकला! सिराजला मात्र पहिल्या कसोटीतही बाहेर बसवलं, कोणाला मिळाली Playing XI मध्ये संधी?

अमेरिकेने इराणविरुद्धच्या युद्धात एक्स्पायर झालेली क्षेपणास्त्रे वापरली; सिनेट आर्म्ड सर्व्हिसेस कमिटीसमोर सुनावणी

Truck Bike Accident : तेरवीहून परतताना पती-पत्नी ठार; शिंदोला मार्गावर ट्रक-दुचाकीचा भीषण अपघात

Chadrapur Crime : चंद्रपूर हादरले! चौकात कवटी, रेल्वे पटरीलगत मृतदेह; दोन्ही अवयव एकाच व्यक्तीचे असल्याचा संशय

Dengue-Like Infection : मुंढेत ४० जणांना डेंगीसदृश्य लागण; गावात खळबळ

SCROLL FOR NEXT