शिरुर कासार : अवैध दारु विक्री करु द्यावी आणि चॅप्टर केसमध्ये जामीन मिळावा, म्हणून लाच घेताना तिघे पडकल्याच्या घटनेला महिनाही उलटत नाही तोच पुन्हा येथे सहाय्यक निबंधक कार्यालयात लाच घेताना मंगळवारी (ता. १०) तिघे जाळ्यात अडकले. महिनाभरातील दोन घटनांवरुन तालुक्यातील शासकीय यंत्रणेत सुरु असलेली लाचखोरी पुन्हा चव्हाट्यावर आली आहे.

पत्नीसोबतच्या संबंधाचे भूत डोक्यात शिरले आणि...

सहाय्यक निबंधक संजय कारभारी सोनवणे, मुख्य लिपीक तुकाराम कोंडीबा वायबसे, लेखा परीक्षक पद्माकर अवधूत कुलकर्णी अशी लाचलुचपत प्रतिबंधक विभागाने पकडलेल्या लाचखोरांची नावे आहेत. तक्रारदाराविरुद्ध सहाय्यक निबंधक कार्यालयात सुरु असलेल्या चौकशीचा सकारात्मक अहवाल देण्यासाठी लाच मागीतल्याची तक्रार होती. यावरुन लाच लुचपत प्रतिबंधक विभागाने सापळा रचला.

स्कॉर्पिओमध्ये आढळला रक्ताळलेला मृतदेह

यावेळी आठ हजारांची लाच स्विकारताना तिघे जाळ्यात अडकले. दरम्यान, पंधरवाड्यापूर्वीच येथील तिन पोलिसांना एकाच वेळी लाच घेताना पकडण्यात आले होते. पुन्हा एकदा असेच तिघे अडकले आहेत. या दोन घटनांनी तालुक्यातील शासकीय कार्यालयांतील लाचखोरी समोर आली आहे. या कारवाईत लाच लुचपत प्रतिबंधक विभागाचे उपाधीक्षक बाळकृष्ण हानपुडे पाटील, अमोल बागलाने, प्रदीप वीर यांनी सहभाग घेतला.

'या' छमछमची पूर्वी नव्हती तक्रार