नांदेड - देशासह राज्यात करून कोरोना विषाणूचा फैलाव रोखण्यासाठी नांदेडचे भारतीय जनता पक्षाचे खासदार प्रताप पाटील चिखलीकर यांनी पंतप्रधान सहायता निधीला मदत करण्याचे आवाहन केले होते. त्यांच्या या आवाहनाला प्रतिसाद देत अर्धापूर तालुक्यातील अनेकांनी धनादेशाद्वारे मदत केली. शिवाय डॉ. विनोद जाधव यांनी आयोजित केलेल्या रक्तदान शिबिराला उत्स्फूर्त प्रतिसाद दिला आहे.

पंतप्रधान नरेंद्र मोदी यांच्या आवाहनानुसार खासदार प्रताप पाटील चिखलीकर मदतीला उतरले आहेत. कोरोनाला परतवून लावण्यासाठी खासदार चिखलीकर व त्यांचे कुटुंबीय आपले कर्तव्य समजून गरजवंतांना मदत करत आहेत. शिवाय पंतप्रधान सहाय्यता निधीसाठी प्रत्येकाने केवळ शंभर रुपये देण्याचे आवाहन खासदार चिखलीकर यांनी केले होते. त्यांच्या या आवाहनाला प्रतिसाद मिळत आहे. 

हेही वाचा - लॉकडाउन: नांदेडकरांना दिलासा... दुसऱ्या टप्यात मास्क वापरणे बंधनकारक

रक्तदान शिबिरास प्रतिसाद
अर्धापूर तालुक्यातील कामठा फाटा येथे डॉ. विनोद जाधव यांच्या पुढाकारातून रक्तदान शिबिर घेण्यात आले. यावेळी नागरिकांनी भरभरून प्रतिसाद दिला.
अर्धापूर तालुक्यातील अनेक नागरिकांनी राष्ट्रीय आपत्ती असलेल्या कोरोनाविरुध्दच्या लढाईसाठी पंतप्रधान सहाय्यता निधीलाही भरभरून मदत केली. मदतीचे धनादेश आमदार राम पाटील रातोळीकर, माजी आमदार ओमप्रकाश पोकर्णा यांच्या उपस्थितीत खासदार प्रताप पाटील चिखलीकर यांच्याकडे सुपुर्द केले. 

पंतप्रधान सहाय्यता निधीला मदत
खासदार चिखलीकर यांच्याकडे पंतप्रधान सहाय्यता निधीसाठी डॉ. विनोद जाधव यांनी पाच हजार, गणपूर येथील गावकरी मंडळीतर्फे पाच हजार ५५५, अर्धापूर शहरातील नागरिकांच्या वतीने ११ हजार, कामठा येथील राम कदम नागोराव बिचकुले यांनी प्रत्येकी पाच हजार व कामठा येथील गावकरी मंडळींच्या वतीने दहा हजार, अर्धापूर येथील बालाजी स्वामी पाच हजार अशी एकूण ४६ हजार ५५५ रुपयांची मदत खासदार चिखलीकर यांच्या माध्यमातून पंतप्रधान सहाय्यता निधीसाठी दिली आहे. 

हेही वाचलेच पाहिजे - कोरोनाच्या मुकाबल्यासाठी नांदेडकरांनी दिले ७४ लाखांचे दान

अर्धापूरला रक्तदान शिबिर
खासदार चिखलीकर यांच्या आवाहनाला प्रतिसाद ते जिल्ह्यातील असंख्य नागरिक पंतप्रधान सहाय्यता निधीला मदत करण्यासाठी सरसावले आहेत. नागरिकांनी कोरोना लढाई जिंकण्यासाठी पंतप्रधान सहाय्यता निधीला मदत करावी, असे आवाहन खासदार चिखलीकर यांनी केले. त्यांच्या आवाहनाला प्रतिसाद देत अर्धापूर तालुक्यातील नागरिकांनी भरभरून मदत दिली आहे. कामठा येथील आयोजित रक्तदान शिबिराला नागरिकांनी प्रतिसाद दिला. यावेळी धर्मराज देशमुख, किशोर देशमुख, बाबुराव हेंद्रे, डॉ. लक्ष्मण इंगोले, बालाजी स्वामी, कृष्णा इंगोले, तुळशीराम बंडाळे, सखाराम क्षीरसागर, सुधाकर कदम, शिवराज जाधव यांच्यासह अनेकांची उपस्थिती होती.