औराद शहाजानीः हे गाव महाराष्ट्र-कर्नाटक सीमेवर वसलेले आहे. त्यामुळे ते आंतरराज्य अवैध धंद्याचे केंद्र बनले आहे. येथील पोलिस ठाण्याअंतर्गत ३५ गावांचा समावेश होतो. यापैकी औराद शहाजानी, बोरसुरी व तांबाळा या गावांमध्ये अवैध धंदे मोठ्या प्रमाणावर वाढले आहेत. ज्यामध्ये अवैध दारू, गुटखाविक्री, लॉटरी, मटका, गुडगुडी व अवैध वाहतुकीचा समावेश आहे. विशेषतः औसा मतदरसंघातील तांबाळा हे गाव अवैध धंद्याची राडधानी म्हणून ओळखले जाते.

हा अवैद धंदा बंद करण्यासाठी स्थनिक पातळीवर लोकप्रतिनिधी, वरिष्ठ पोलिस अधिकारी यांच्या सहकार्याची गरज आहे. औरादसह परिसरात मोठ्या प्रमाणा राजरोसपणे मटका चालू आहे. केवळ औराद शहरातच जवळपास पन्नास ते साठ बुकी आहेत व तेवढेच पंटर काम करतात. त्यांची रोजची उलाढाल लाखोंच्या घरात असून गावातील छत्रपती शिवाजी महाराज चौक, बसस्थानक, शेळगी रस्ता अशा मुख्या बाजारपेठेत व शाळांच्या परिसरातच उघडपणे अनेक बुकी चालतात. परंतु यावर कुठलीही कारवाई होत नाही.

दानवेनां विश्वासः टोपे करतील संधीचे सोने

त्याचबरोबर औराद शहाजानी व तांबाळा गावांमध्ये ‘गुडगुडी’ नावाचा एक जुगाराचा प्रकार उघडपणे चालू आहे. या गुडगुडी जुगाराची अनेक दुकाने या गावाच्या मध्यवर्ती ठिकाणी थाटली गेली असून, अल्पवयीन मुलांपासून तरुणही याला बळी पडत असल्याचे चित्र पहायला मिळत आहे. ही मुले शाळा-महाविद्यालय सोडून हा जुगार खेळत आहेत. त्यांचीसुध्दा लाखोंची उलाढाल होत आहे.

तसेच औराद व परिसरात अवैध दारुविक्रीचा व्यवसाय जोरात सुरू आहे. औराद येथे अधिकृत देशी दारुचे विक्रेते दोनच असून त्यांच्याकडून दारू घेऊन गावात व परिसरात ती अवैधरीत्या विक्री करणाऱ्या शेकडो छोट्या-मोठ्या विक्रेत्यांनी दुकाने प्रत्येक गावात व परिसरात थाटलीआहेत. 

अबब.. बिडमध्येही चाईल्ड पोर्नोग्राफी!

औराद पोलिस ठाण्याअंतर्गत ही सगळा अवैध व्यवहार बंद करण्याचे आणि पुन्हा एकदा पोलिसांचा वचक निर्माण करण्याचे आव्हान औरादचे नवीन सहायक पोलिस निरीक्षक सुधीर सूर्यवंशी यांच्यासमोर आहे.