औरंगाबाद: अल्पवयीन मुलीला पळवून नेत तिच्याशी लग्न करुन तिला गर्भवती करण्यास कारणीभूत ठरलेला आरोपी अविनाश भगवान साळवे (२०, रा. म्हाडा कॉलनी, चेतनानगर, हर्सुल) याची न्यायालयीन कोठडीत रवानगी करण्याचे आदेश जिल्हा व सत्र न्यायाधीश एस. एम. भोसले यांनी बुधवारी (ता.२२) दिले.

हेही वाचा- सोयाबीन उगवलेच नाही, तक्रारी ४९ हजार अन् गुन्हे केवळ ४६! खंडपीठात झाली सुनावणी 

प्रकरणात पिडितेच्या आईने तक्रारी दिली होती. तक्रारीनुसार, पिडिता ही आई, वडील, दोन भाऊ व बहिणी सोबत राहते. पिडितेची आई एका शाळेवर काम कामगार म्हणून करते. २७ फेब्रुवारी रोजी पिडितेची आई नेहमी प्रमाणे शाळेत गेली होती. सायंकाळी पिडितेची आई घरी आली असता पिडिता ही दुपारपासून घरी नसल्याची बाब पिडितेच्या बहिणीने आईला सांगितली. प्रकरणात हर्सुल पोलिस ठाण्यात गुन्हा दाखल करण्यात आला. 

हेही वाचा- उस्मानाबाद जिल्हाधिकाऱ्यांना औरंगाबाद खंडपीठाची अवमान नोटीस, पण कशामुळे? 

पोलिसांनी तपास केला असता आरोपी साळवे याने पिडितेला पळविले असल्याची बाब समोर आली. तसेच आरोपी हा पिडितेसोबत हिनानगर भागात किरायाने खोली घेऊन राहत असल्याची देखील स्पष्ट झाले. पोलिसांनी आरोपीला १८ जुलै रोजी अटक केली.

तर पिडितेला ताब्यात घेत तिचा जबाब नोंदविला. त्यात आरोपीने पिडितेशी हिनानगर येथे असतांना लग्न केले. त्यानंतर आरोपीने तिच्यावर वारंवार अत्याचार केले. पिडितेचे पोट दुखत असल्याने पिडिता डॉक्टरकडे गेली असता ती गर्भवती असल्याचे समोर आले.
हेही वाचा- Breaking: काँग्रेसचे जेष्ठ नेते डॉ. शिवाजीराव पाटील निलंगेकर कोरोना पॉझिटिव्ह, प्रकृती उत्तम

न्यायालयात हजर केले असता....

दरम्यान आरोपीला न्यायालयाने बुधवारपर्यंत पोलिस कोठडी सुनावली होती. कोठडीची मुदत संपल्याने आरोपीला आज न्यायालयात हजर करण्यात आले असता न्यायालयाने त्याची न्यायालयीन कोठडीत रवानगी केली. प्रकरणात सहाय्यक लोकाभियोक्ता उल्हास पवार यांनी काम पाहिले.

हेही वाचा- आमदार कुचे यांच्यासह भाऊ, युवतीविरोधात गुन्हा दाखल, युवतीकरवी भाच्यालाच पाठविले अश्लिल संदेश