कन्नड (बातमीदार) : कन्नडहून शिरपूरकडे जाणाऱ्या बसला अडवून सामूहिक हल्ला करण्यात आल्याची घटना कन्नड तालुक्यात घडली. हल्लेखोरांनी काठ्या-दगडांनी बस फोडली आणि चालक व वाहकाला अश्लील शिवीगाळ करत बेदम मारहाण केली.
चालकासह वाहकाला बेदम मारहाण करणाऱ्या अठरा जणांविराधात कन्नड शहर पोलिस ठाण्यात गुन्हा दाखल करण्यात आला आहे. यापैकी तीन जणांना पोलिसांनी ताब्यात घेतले असून, इतरांचा शोध सुरू आहे.
नेमके काय झाले...
औरंगाबाद-शिरपूर ही एसटी महामंडळाची बस औरंगाबाद येथून शिरपूरकडे मंगळवारी दुपारी साडेतीन वाजेच्या सुमारास निघाली होती. औरंगाबाद-नाशिक रस्त्यावरील हॉटेल आम्रपालीजवळ बसने मारुती स्विफ्ट कारला हूल दिल्याचे कारण करून बसला अडविण्यात आले.
हल्लेखोरांनी चालकासह वाहकाला काठीने व लाथाबुक्क्यांनी मारहाण करीत बसचालकाच्या खिशातील मोबाईल काढून घेतला. तर बस वाहकाच्या हातातील ६१६५ रुपये भांडणात हिसकावून घेतले. काठीने बसच्या समोरील काचा फोडून शासकीय मालमत्तेचे नुकसान करून शासकीय कामात अडथळा निर्माण केला.
बसचालक सुधाकर श्‍यामराव शिरसाठ यांच्या फिर्यादीवरून अलीम मकबल शाह, स्विप्टचा चालक रिजवान सलीम शेख (रा. मेहताबनगर, कन्नड) याच्यासह इतर सोळा लोकांविरुद्ध कन्नड शहर पोलिस ठाण्यात गुन्हा दाखल करण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.