औरंगाबाद : सातारा डोंगराला चारही बाजूंनी भीषण आग लागल्याची घटना बुधवारी (ता.दहा) दुपारी साडेतीनच्या सुमारास घडली. रात्री आगीचे लोळ सुरु झाल्याने भीषण रुप धारण केले होते. घटनेची माहिती मिळताच पदमपूरा येथील अग्निशमन दलाचे तीन बंब आणि २१ जवानांनी धाव घेत आग आटोक्यात आणण्याचा प्रयत्न केले आहेत. आगीचे नेमके कारण समजू शकले नसल्याची माहिती अग्निशमन दलाचे मोहन मुंगसे यांनी दिली.
डोंगराला आग लागल्यामुळे दुरूनच आगीचे लोळ उठतांना दिसून येत होते. बीड बायपास रोडपासून जवळच असलेल्या सातारा परिसरातील डोंगरावरील गवताला बुधवारी दुपारी अचानकपणे आग लागली. पाहता-पाहता आगीने रौद्ररूप धारण करीत डोंगरावरील गवताला आपल्या कावेत घेतले होते. मात्र आग इतकी भीषण होती की, वाल्मी, आपत भालगाव आणि साताऱ्याच्या डोंगरापर्यंत पसरली. डोंगराला आग लागल्याचे निदर्शनास येताच परिसरातील नागरिकांनी या घटनेची माहिती अग्निशमन दलाला दिली.
आगीची माहिती मिळताच दुपारी चार वाजता पदमपूरा येथील अग्निशमन दलाच्या तीन बंबासह २१ जवानांनी घटनास्थळी धाव घेवून रात्री उशिरापर्यंत डोंगराच्या गवताला लागलेली आग आटोक्यात आणण्याचा प्रयत्न केला. अंधार असल्याने अग्निशमन दलाच्या जवानांना आगीवर नियंत्रण मिळविताना अडचणी येत होत्या. कोणतीही जीवितहानी झाली नसून आगीवर नियंत्रण मिळविण्याचे काम रात्री उशीरापर्यंत सुरु असल्याची माहिती मुंगसे यांनी दिली.
संपादन - गणेश पिटेकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.