औरंगाबाद : तो सोळा वर्षीय मुलीच्या घराशेजारीच राहायचा. त्याने तिच्याशी लगट केली. मग लग्नाच्या आणाभाका घेऊन पळवुन नेले. लग्नही केले. पण ती अल्पवयीन निघाली.

ती अल्पवयीन असल्याबाबत खरे-खोटे पडताळण्यासाठी वैद्यकीय तपासणीही केली, शाळेतून जन्मतारखेबाबत कागदपत्रेही मिळविली मग ती अल्पवयीन असल्याचे स्पष्ट झाले अन..बेचाळीस वर्षीय तरुणाला पोलिसांनी ताब्यात घेत अटकही केली. सोमवारी (ता. तीन) ही कारवाई करण्यात आली आहे.

पोलिसांकडून प्राप्त माहितीनुसार राहुल दादाराव शिंगारे (वय 42, रा. सातारा परिसर) असे संशयिताचे नाव आहे. तो महापालिकेच्या वसुलीचे काम करतो. संशयित पूर्वी पीडितेच्या शेजारी राहत होता. त्याने सोळा वर्षीय पीडितेला लग्नाचे आमिष दाखवून पळविले होते.

शहरातील विद्यापीठ परिसरातील गोगाबाबा टेकडी भागात त्याने लग्नही केले. दरम्यान, पीडितेच्या नातेवाईकांनी मुलगी बेपत्ता असल्याची तक्रार सातारा ठाण्यात दिली. परंतु, संशियताने थेट लग्नाचे प्रमाणात्र सादर केले. यानंतर मुलगी अल्पयीन असल्याबाबतचे प्रकरण समोर आले. यानंतर हे प्रकरण औरंगाबाद खंडपीठात गेले.

पीडितेच्या नातेवाईकांनी रिट पिटीशन दाखल केल्यामुळे न्यायालयाने वयाची खात्री करण्याचे आदेश अहमदनगर बाल कल्याण समितीला दिले. समितीने पीडितेला सुधारगृहात ठेवण्याचे आदेश देत तिला औरंगाबादला पाठविले.

औरंगाबाद बाल कल्याण समितीने शासकीय रुग्णालयात हाडांची तपासणी करून पीडितेच्या वयाचा अंदाज घेतला. तेव्हा तिचे वय सोळा ते सतरा वर्षे असल्याचे सांगण्यात आले. त्यादरम्यान पीडितेचा जन्मप्रमाणपत्र जालना जिल्ह्यातून प्राप्त झाले. त्यात तिची 14 सप्टेंबर 2002 असल्याचे समोर आले होते.

पीडिता अल्पवयीन असल्याचे समोर आल्यावर अखेर गुन्हा नोंदविण्याचा निर्णय घेण्यात आला. त्यानंतर अपहरण करणे, बळजबरी लग्न करणे, पीडिता गर्भवती असल्याने बलात्कार व पोक्‍सो कायद्यानुसार गुन्ह्याची नोंद करण्यात आली. यानंतर सातारा पोलिस पथकाने संशयिताला अटक केली आहे.

हेही वाचा :

53 आमदार,खासदारांना पाणी प्रश्‍नावरील बैठकीचे वावडे (वाचा कोण आहेत ते)...  
त्या आमदारांना बांगड्या पोस्टाने पाठवणार, विद्यार्थी संघटनांचा आक्रोश 

अन्‌ आमदार प्रशांत बंब म्हणाले, कोण चिखलीकर....   

पंकजा मुंडेच्या आंदोलनावर टिकेची झोड, तरीही प्रशांत बंब बोलवणार लोकप्रतिनिधीची बैठक  

सत्तेतल्या नेत्यांनो, वायफळ बडबड करू नका