औरंगाबाद : वेतन अनुदान वितरित करण्याचा निर्णय सरकारकडून घेतला जात नाही. त्यामुळे औरंगाबाद येथील शिक्षक गजानन खैरे यांनी मंत्रालयाजवळील आमदार निवासावर चढून आत्महत्येचा प्रयत्न केला.
अखेर विधानसभा अध्यक्ष नाना पटोले, उच्च व तंत्रशिक्षण मंत्री उदय सामंत यांनी मध्यस्थी करून शिक्षकाला इमारतीवरून खाली उतरवले. तसेच वेतन अनुदान देण्याबाबत उपसमिती स्थापन करण्याचे आश्वासन देण्यात आले.
वीस वर्षांपासून शिक्षकांना अनुदान नसल्याने शिक्षकांवर उपासमारीची वेळ आली आहे. याबाबत खैरे यांनी नुकतेच औरंगाबाद ते मुंबई पायी दिंडी काढली. यावेळी शिक्षण मंत्र्यांनी अनुदान देण्याचे आश्वासन दिले. पण त्यावर कोणताही ठोस निर्णय होत नसल्याने खैरे यांनी दोन दिवसांपूर्वी मंत्र्यांच्या निवासस्थाना बाहेर पायी दिंडी काढण्याचा निर्णय घेतला. यावेळी पोलीसांनी त्यांना ताब्यात घेऊन त्यांच्यावर विविध गुन्हे दाखल केले.
अखेर या प्रश्नाकडे लक्ष वेधण्यासाठी खैरे यांनी आमदार निवासाच्या इमारतीवरून आत्महत्येचा निर्णय घेतला. बुधवारी सायंकाळी सहा वाजता खैरे इमारतीवर चढले. त्यावेळी मोठा गोंधळ उडाला. त्यांना खाली उतरविण्यासाठी अग्निशमन दल, पोलीस आणि नेत्यांनी प्रयत्न केले. अखेर वेतन अनुदान वितरित करण्यासाठी समिती गठित करण्याचे लेखी आश्वासन खैरे यांना देण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.