आडुळ (औरंगाबाद) : पाठीमागून अज्ञात वाहनाने दुचाकीला धडक दिल्याने दुचाकीस्वार जागीच ठार झाल्याची घटना औरंगाबाद-सोलापुर राष्ट्रीय महामार्गावरील आडुळ (ता.पैठण) बायपासवर शुक्रवारी (ता.१५) रोजी राञी बारा वाजेच्या सुमारास घडली. अपघातस्थळी कोणी नसल्याचा फायदा घेत दुचाकीला उडविणारा वाहन चालक फरार झाला.
रामेश्वर बाबुलाल लोणे (वय ४६) रा. चुरमापुरी (ता.अंबड) हे औरंगाबाद येथे एका खाजगी कंपनीत कायमस्वरुपी नौकरीला होते. शनिवारी स्वातंञ्य दिवस व रविवारची सुट्टी असल्याने ते शनिवारी राञी दुचाकी क्रमांक एमएच २१ बीजे ५४३५ ने गावाकडे निघाले होते. दुचाकी आडुळ शिवारातील बायपास मार्गावर येताच दुचाकीला पाठीमागून येणारया एका अज्ञात वाहनाने जोराची धडक देवून पंचविस ते तिस फुटापर्यंत फरफटत नेल्याने दुचाकी रस्त्याच्या बाजुला असलेल्या लोखंडी सरंक्षण कंपाऊंडला जावुन धडकली.
यात दुचाकीस्वार रामेश्वर लोणे दुर फेकल्या जावुन त्यांचा मृत्यु झाला. अपघाताची माहिती मिळताच आडुळ येथील १०८ रुग्णवाहिकेचे डॉ. अस्लम सय्यद, चालक सय्यद नासेर यांनी घटनास्थळी धाव घेवुन जखमीला येथील प्राथमिक आरोग्य केंद्रात दाखल केले.
येथील वैद्यकिय अधिकारी यांनी तपासुन मयत घोषित केले. या अपघाताची नोंद पाचोड पोलिस ठाण्यात घेण्यात आली. पुढील तपास ठाण्याचे सहायक पोलिस निरिक्षक अतुल येरमे यांच्या मार्गदर्शनाखाली बिट जमादार सुधीर ओव्हळ, फेरोज बरडे करीत आहे.
(संपादन-प्रताप अवचार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.