औरंगाबाद : ब्रिटन येथून आलेली ५७ वर्षीय महिला कोरोना पॉझिटिव्ह निघाली. त्यापाठोपाठ ब्रिटनहून आलेला आरेफ कॉलनीतील एक २९ वर्षीय तरुणाची कोवीड चाचणी पॉझिटिव्ह आली. या तरुणाची शनिवारी (ता. २६) ‘आरटीपीसीआर’ चाचणी केली होती. रविवारी (ता. २७) त्याचा अहवाल पॉझिटिव्ह असल्याची महापालिकेच्या आरोग्य वैद्यकीय अधिकारी डॉ. निता पाडळकर यांनी दिली. ब्रिटनमध्ये नवीन कोरोना विषाणूच्या संसर्गात अनेकजण आले, त्यामुळे कोरोनाच्या नव्या रुपाने जग धास्तावले. ब्रिटनहून येणाऱ्या नागरिकांची कोरोना चाचणी अत्यंत चोखपणे केली जात आहे.
शहरातही महापालिका प्रशासनाने ब्रिटन येथून आलेल्या नागरिकांचे सर्वेक्षण सुरु केले. शुक्रवारी (ता. २५) ब्रिटनहून आलेली ५७ वर्षीय महिला कोरोना पॉझिटिव्ह आढळून आली होती. या महिलेला धूत हॉस्पीटलमध्ये उपचारासाठी दाखल करण्यात आले. त्यानंतर आज रविवारी ब्रिटन येथून आलेला २९ वर्षीय तरुण कोरोना पॉझिटिव्ह निघाला. या तरुणाची काल शनिवारी ‘आरटीपीसीआर’ चाचणी करण्यात आली होती. त्याच्या चाचणीचा अहवाल आज प्राप्त झाला. या तरुणास जिल्हा सामान्य रुग्णालय, चिकलठाणा या ठिकाणी उपचारासाठी दाखल करण्यात आले.
अजून पाच नागरिकांचा शोध
महापालिका क्षेत्रातील १३ नागरिकांचा शोध लागत नसल्यामुळे महापालिका प्रशासनाने त्यांचा शोध घेण्यासाठी पोलिसांची मदत घेतली. पोलिस प्रशासन शोध घेणार असल्याचे समजताच १३ पैकी ८ नागरिकांनी कोरोना चाचणी करुन घेतली. परंतु पाच नागरिकांचा अद्यापही शोध लागलेला नाही, असे डॉ. पाडळकर यांनी सांगितले.
Edited - Ganesh Pitekar
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.