Corona News Aurangabad 
छत्रपती संभाजीनगर

कोरोना बधितांचा आकडा पाचशेच्या घरात : औरंगाबाद@४९८ 

सकाळ वृत्तसेवा

औरंगाबाद : शहरात कोरोनाचा विळखा वाढतच चालला आहे. शुक्रवारी (ता.आठ) दिवसभरात १०० रुग्णांची भर पडली होती तर शनिवारी (ता.नऊ) सकाळी १७ तर दुपारी तीन रुग्णांचे अहवाल पॉझिटिव्ह आले. त्यामुळे एकूण बाधितांच्या आकडा ४९८ पर्यंत पोचला आहे. 

शहरात कोरोनाबाधित रुग्णांची संख्या झपाट्याने वाढत आहे. शुक्रवारी (ता.आठ) एसआरपीएफ कॅम्पमध्ये तब्बल ७२ जवानासह १८ रुग्णाचे अहवाल पॉझिटीव्ह आले होते. शनिवारी(ता. नऊ) संजयनगर-६, कटकट गेट-२ ,बाबर कॉलनी -४, भवानीनगर-२, रामनगर-१, सिल्क मिल-१ असिफिया कॉलनी-१ असे १७ रुग्ण पॉझिटीव्ह आढळले. दुपारी यात सातारा परिसर-१, तसेच पाणचक्की परिसर-१ पस्तीस वर्षीय महिला आणि जुना बाजार येथील ७५ वर्षीय पुरुष असे तिघांचे अहवाल पॉझिटिव्ह आले. दुपारी चार वाजेपर्यंत एकूण वीस नवीन रुग्णांची भर पडली व व कोरोना बधितांचा आकडा ४९८ वर पर्यंत गेला. 

कोरोना बाधित महिलेने दिला गोंडस मुलीला जन्म 
कोरोनाबाधित असलेल्या ३० वर्षीय महिलेने शुक्रवारी (ता.आठ) एका गोंडस मुलीच जन्म दिला आहे. बाळ आणि आई सुखरूप असून, आईस कोविड-१९ वॉर्डात हालवण्यात आले आहे, अशी माहिती घाटीच्या अधिष्ठाता डॉ. कानन येळीकर व डॉ. श्रीनिवास गडप्पा यांनी दिली. 

घाटी रुग्णालयात ३९ रुग्णांवर उपचार 
शासकीय वैद्यकीय महाविद्यालय व रुग्णालयातील (घाटी) कोविड-१९ वॉर्डात सध्या ३९ कोरोना पॉझिटीव्ह रुग्णांवर उपचार सुरू आहेत. यापैकी ३६ रुग्णांची प्रकृती सामान्य असून, तीन रुग्णांची स्थिती गंभीर आहे, असे घाटी रुग्णालयातर्फे कळविण्यात आले. 

औरंगाबादच्या इतर बातम्या वाचण्यासाठी - क्लिक करा

मराठवाड्याच्या इतर बातम्या वाचण्यासाठी - क्लिक करा

महाराष्ट्रातील इतर बातम्या बाचण्यासाठीक्लिक करा

दोन महिला कोरोनामुक्त 
शहरातील रेल्वेस्थानक परिसरातील २० व २५ वर्षीय कोविड पॉझिटिव्ह महिला रुग्णांना खासगी रुग्णालयातून सुटी देण्यात आली आहे; तसेच कबीरनगरातील ३७ वर्षीय पॉझिटिव्ह पुरुष रुग्णाला जिल्हा रुग्णालयातून व रेल्वेस्थानक परिसरातील ३८ वर्षीय पॉझिटिव्ह महिला रुग्णाला महापालिकेच्या आरोग्य केंद्रातून घाटीत गुरुवारी (ता. सात) भरती केले आहे. 

एका डॉक्टरसह कुटुंबातील चौघांना लागण 
शहरातील एका खासगी रुग्णालयातील डॉक्टरसह त्यांच्या कुटुंबातील चौघांना कोविड-१९ ची लागण झाली आहे; तसेच याच रुग्णालयातील डायलिसीस सेंटरमध्ये काम करणाऱ्या सिडको एन-तीन येथील कर्मचाऱ्याला लागण झाली आहे, अशी माहिती सूत्रांनी दिली. 

कोरोना मीटर 
उपचार घेत असलेले रुग्ण- ४५४ 
बरे झालेले रुग्ण- ३२ 
मृत्यू झालेले रुग्ण -१२ 
एकूण-४९८ 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Stock Market Closing: शेअर बाजार लाल रंगात; सेन्सेक्स-निफ्टी मोठ्या घसरणीसह बंद, कोणते शेअर्स वाढले?

Sanjay Shirsat: अंबादास दानवेंनी लावलेली आग अन् फडणवीसांनी केलेला गेम, संजय शिरसाट कसे फसले?

Beed Baby News: मृत घोषित केलेलं बाळ रात्रभर दुर्लक्षित; दुसऱ्या दिवशी बॅगमध्ये टाकून नेलं, कुदळ सापडेना म्हणून झाला उशीर अन्...

तेजश्री प्रधानच्या झी मराठीवर दिसण्यावर स्टार प्रवाहच्या सतीश राजवाडेंची थेट प्रतिक्रिया; म्हणाले, 'ती नायिका आधी...

IND vs ENG 3rd Test: जो रूटचे विक्रमी शतक! भारतासमोर मजबूत भिंतीसारखा राहिलाय उभा; राहुल द्रविड, स्टीव्ह स्मिथचा विक्रम मोडला

SCROLL FOR NEXT