औरंगाबाद : डॉ. बाबासाहेब आंबेडकर मराठवाडा विद्यापीठाच्या नामविस्तार दिनाच्या निमित्ताने प्रत्येक वर्षी होणाऱ्या सभेला हजेरी लावणारे रिपाई नेते, केंद्रीय राज्यमंत्री रामदास आठवले यांची पहिल्यांदाच अनुपस्थिती जाणवली.
डॉ. बाबासाहेब आंबेडकर मराठवाडा विद्यापीठाच्या नामांतर लढ्यामध्ये रामदास आठवले यांचे मोठे योगदान होते. 1994 मध्ये विद्यापीठाचा नामविस्तार झाला. तब्बल 17 वर्ष चाललेल्या लढ्यानंतर विद्यापीठाचा नामविस्तार करण्यात आला.
तेव्हापासून प्रत्येक वर्षी विद्यापीठाच्या नामविस्तार दिनाचा सोहळा मोठ्या जल्लोषात साजरा केला जातो. यासाठी राज्यातील कानाकोपऱ्यातून आंबेडकरी अनुयायी हजेरी लावत असतात.
प्रत्येक वर्षी होणाऱ्या नामविस्तार दिन सोहळ्यामध्ये रामदास आठवले यांची जाहीर सभा ठरलेलीच होती. आजपर्यंत एकदाही न चुकता आठवले यांनी नामविस्तार दिनाची सभा घेतली आहे.
विदेशात असल्यामुळे गैरहजर
यंदा मात्र रामदास आठवले हे विदेशात असल्यामुळे, नामविस्तार दिनाच्या सभेला हजर राहू शकले नाहीत. त्यामुळे पहिल्यांदाच रिपाई नेत्यांना रामदास आठवले यांच्याशिवाय सभा घ्यावी लागली.
रिपाईचे राज्य कार्याध्यक्ष बाबुराव कदम यांच्या प्रमुख उपस्थितीत ही सभा झाली. या सभेला मिलिंद शेळके राज्य उपाध्यक्ष दौलत खरात, ब्रह्मानंद चव्हाण, पप्पू कागदे, भास्कर रोडे, संजय ठोकळ, सुनील मगरे, रवींद्र अवसरमल यांची उपस्थिती होती.
वाचून तर बघा :
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.