औरंगाबाद : पंधरा ते वीस दिवसात एमआयडीसीच्या अधिकाऱ्यांनी २५६ खाटांचे हे रुग्णालय तयार केले आहे. तसेच विद्यापीठातील कोविड विषाणू संशोधन प्रयोगशाळाही तयार केली आहे. मुंबईतील कस्तुरबा, पुण्यातील नायडू संसर्गजन्य रुग्णालयाप्रमाणे हे रूग्णालयही कायमस्वरूपी करावे, अशी अपेक्षा पालकमंत्री व उद्योगमंत्री सुभाष देसाई शुक्रवारी (ता.१२) मुख्यमंत्र्यांकडे व्यक्त केली.
अरे बाप रे ..! औरंगाबादेत इंग्रजी शाळांकडून पालकांना धमक्या.
एमआयडीसीतर्फे चिकलठाणा येथील मेल्ट्रोन कंपनीच्या जागेवर कोविड रुग्णालय तयार करण्यात आले आहे. यासह डॉ. बाबासाहेब आंबेडकर मराठवाडा विद्यापीठामध्ये विषाणू संशोधन प्रयोगशाळा तयार करण्यात आली आहे. मुख्यमंत्री उद्धव ठाकरे यांच्या हस्ते ऑनलाईन पद्धतीने रूग्णालय व प्रयोगशाळेचे लोकार्पण करण्यात आले.
यावेळी उद्योगमंत्री देसाई यांनी मुख्यमंत्री उदधव ठाकरे यांच्याशी संवाद साधला ते म्हणाले की, संसर्गजन्य आजारांसाठी कायमस्वरूपी रुग्णालय असणे गरजेचे आहे. औरंगाबाद एमआयडीसीतर्फे युद्धपातळीवर एका महिन्याच्या आत हे रुग्णालय तयार करण्यात आले आहे. हे रुग्णालय कोरोना असेपर्यंत राहील. मात्र हे रुग्णालय कायमस्वरूपी सेवा देणारे असावे, यासाठी वैद्यकीय विभागाने यात लक्ष घालावे.
तसेच विद्यापीठात विषाणू तपासणी प्रयोगशाळा व संशोधन केंद्र कायमस्वरूपी सुरु करण्यात येत आहे. यानिमित्ताने मराठवाडा विभागासाठी आवश्यकता असलेली प्रयोगशाळा ‘ऑरिक सिटी’च्या सामाजिक उत्तरदायित्व निधीतून उभारण्यास हातभार लागलेला आहे. राज्यशासनाने चांगल्या व सुसज्ज अशा आरोग्य सुविधा उपलब्ध करुन दिल्या आहेत. त्याचा लाभ घेऊन नागरिकांनी वेळेत उपचार घेऊन ठणठणीत बरे व्हावे, अशी अपेक्षाही त्यांनी व्यक्त केली.
उद्घाटनावेळी कार्यक्रमात जिल्हाधिकारी कार्यालयातून पालकमंत्री सुभाष देसाई, राज्यमंत्री आदिती तटकरे, कॅबिनेट मंत्री संदीपान भुमरे, राज्यमंत्री अब्दुल सत्तार, माजी खासदार चंद्रकांत खैरे, खासदार भागवत कराड, आमदार हरिभाऊ बागडे, आमदार अतुल सावे, संजय शिरसाट, प्रदीप जयस्वाल, उदयसिंग राजपूत, अंबादास दानवे, सतीश चव्हाण, विभागीय आयुक्त सुनील केंद्रेकर, जिल्हाधिकारी उदय चौधरी, महापालिका आयुक्त अस्तिक कुमार पांडेय यांची उपस्थिती होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.