करमाड (औरंगाबाद) : मजुरीवर कोबी काढून दिल्यानंतर घरी परतत असताना वाटेत दिसलेल्या तलावात अंघोळ करण्यासाठी उतरलेल्या सतरा-अठरा वर्ष वयोगटातील पाच मुलांचा तलावात बुडून दुर्दैवी मृत्यू झाला.
ही घटना आज दुपारी दीड वाजेच्या सुमारास शेंद्रा एमआयडीसीच्या उत्तरेकडील डोंगरपायथ्याशी असलेल्या नाथनगर शिवारातील पाझर तलावात घडली. यात समीर शेख मुबारक शेख (१७), शेख अन्सार शेख सत्तारा वय (१७), आतीक युसुफ शेख (१८), तालेब युसुफ शेख (२१) व सोहेल युसुफ शेख (१६) सर्व राहणार (भालगाव ता. औरंगाबाद) यांचा दुर्दैवाने पाण्यात बुडून मृत्यू झाला.
चिकलठाणा पोलीस ठाण्याचे बीट जमादार रविंद्र साळवे यांनी चार मुलास तर अग्निशमन दलाच्या जवानांनी एका मुलास पाण्याबाहेर काढले. यावेळी घटनास्थळी बघ्यांची मोठी गर्दी झाली होती. शवविच्छेदनासाठी मृतदेह घाटी रूग्णालयात पाठवण्यात आल्याचे चिकलठाणा पोलीस ठाण्याचे पोलीस निरीक्षक महेश आंधळे यांनी सांगितले.
(संपादन- प्रताप अवचार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.