वाळूज (जि.औरंगाबाद) : रात्रीच्या वेळी कंपनी बंद असताना खिडकी तोडून आतील नऊ लाख ८१ हजार ७१५ रुपये किंमतीचे कॉपर वायरचे २० बंडल्स अज्ञात चोरट्यांनी लंपास केले. वाळूज औद्योगिक वसाहतीत घडलेली ही चोरीची घटना गुरुवारी (ता.१५) रोजी सकाळी उघडकीस आली. गेल्या आठ दिवसापासून अज्ञात चोरट्यांनी वाळूज औद्योगिक वसाहतीत चोरीचा सपाटा सुरू केला असून पोलीस मात्र याबाबत हतबल असल्याचे दिसून येते.
वाळूज औद्योगिक वसाहतीतील एच ४४ मधील दिग्विजय इंडस्ट्रीज या कंपनीत इलेक्ट्रीसिटीचे ट्रांसफार्मर तयार करण्यात येते. यासाठी लागणारा कच्चामाल परराज्यातून येतो. तो आल्यानंतर कंपनीच्यावतीने फ्लॉवर आणि स्टोअर रूममध्ये ठेवला जातो. कंपनी फक्त दिवस पाळीत चालत असल्याने रात्री बंद असते. बुधवारी (ता.१४) रोजी रात्री नऊ वाजता कंपनी बंद केल्यानंतर सर्वजण घरी गेले होते.
गुरुवारी (ता.१५) रोजी सकाळी ११ वाजेच्या सुमारास प्लॅन्ट चार्ज कंपनीसाठी लागणारा कच्चामाल कॉपर वायर घेण्यासाठी स्टोअर रूममध्ये गेला असता येथे ठेवलेला कच्चामाल अस्ताव्यस्त पडलेला व कमी झालेला दिसून आला. कंपनीतील कच्चामाल चोरीस गेल्याचे लक्षात आल्यामुळे कंपनीचे लेखा अधिकारी विजयकुमार जैन यांनी कंपनीचे मालक श्रीराम शिंदे यांना बोलावून मालाची मोजणी केली असता नऊ लाख ८१ हजार ७१५ रुपये किमतीचे कॉपर वायरचे २० बंडल चोरीस गेल्याचे लक्षात आले. या प्रकरणी विजयकुमार श्रीपाल जैन यांच्या फिर्यादीवरून वाळूज एमआयडीसी पोलीस ठाण्यात अज्ञात चोरट्याविरुद्ध गुन्हा दाखल करण्यात आला.
दसऱ्याच्या निमित्ताने बाजारपेठेत खरेदीसाठी नवचैतन्य, पाचशे वाहनांची बुकिंग, ७० वाहनांची डिलव्हरी
चोरट्यांपुढे पोलीस हतबल
वाळूज औद्योगिक वसाहत परिसरात चोरट्यांनी हैदोस घातला आहे. त्यामुळे परिसरातील व्यापारी, उद्योजक व नागरिक त्रस्त झाले आहे. सणासुदीच्या दिवसात चोऱ्यांचे सत्र वाढत आहे. यातील चोरटे पोलिसांच्या हातावर तुरी देत आहे. एकीकडे लाखमोलाचा ऐवज चोरीला जात असून पोलीस मात्र या चोरट्यांपुढे हतबल झाल्याचे दिसून येते.
उद्योजक, पोलीस बैठक निष्फळ
वाळूज औद्योगिक वसाहतीतील वाढत्या चोऱ्या व अन्य प्रश्नासंदर्भात वाळूज एमआयडीसी पोलीस व उद्योजक यांच्यात नुकतीच बैठक झाली. यावेळी ठाणे प्रमुखांनी औद्योगिक वसाहतीतील चोऱ्या रोखण्यासाठी अनेक सूचना करत चोरीला आळा बसेल. असे आश्वासन दिले होते. मात्र ही बैठक निष्फळ झाल्याचे वाढत्या चोरीच्या प्रमाणावरून दिसून येते.
संपादन - गणेश पिटेकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.