औरंगाबाद -लग्नाचे आमिष दाखवून 19 वर्षीय तरुणीवर अत्याचार करून तिचे फोटो सोशल मीडियावर व्हायरल करणाऱ्या संशयित आरोपीस पोलिसांनी मंगळवारी (ता. चार) अटक केली. अनिल चांदवडे असे त्या संशयिताचे नाव आहे.
वैजापूर तालुक्यातील 19 वर्षीय तरुणी शिक्षणानिमित्त औरंगाबादेत राहत होती. तिची अनिल चांदवडे (21, रा. खापरखेडा, ता. कन्नड) याच्यासोबत ओळख झाली.
तो मोबाईलवरून तरुणीशी संवाद साधत होता. दरम्यान, अनिलने विश्वास संपादन केल्यानंतर एक दिवस तिला म्हैसमाळ येथील लॉजवर नेले. दरम्यान, अनिल आणि त्याचा भाऊ या दोघांनी एका खोलीत बसून दारू प्यायला लागले.
त्यावेळी तरुणीने मला गावी जाण्यास उशीर झाला, मी जाते, असे म्हटल्यावर अनिलने त्याच्या भावाला खोलीतून काढून दिले. तरुणीला खोलीत बोलावून तिच्यावर अत्याचार केले आणि मी तुझ्यासोबतच लग्न करणार आहे, असे म्हणत तरुणीचे आक्षेपार्ह फोटो मोबाईलमध्ये काढले.
सोशल मीडियावर व्हायरल
अनिलने अश्लील छायाचित्रे काढून ती फेसबुकवर अपलोड केली. फोटो तरुणीच्या चुलत भावाने पाहिल्यानंतर त्याने विचारणा केली त्यावेळी अनिलने म्हैसमाळचे फोटो सोशल मीडियावर व्हायरल केल्याचे लक्षात आले.
तरुणीने पोलिस ठाण्यात धाव घेतली मात्र अनिलने ज्या मोबाईलमधून फोटो काढला तो मोबाईल आणि तरुणीचा मोबाईल परत दिला. यापुढे होणार नाही, असा दोघांमध्ये समझोता झाला, मात्र अनिलने तरुणीचे फोटो पुन्हा अपलोड केल्याचे निदर्शनास आल्याने तरुणीने शिऊर पोलिस ठाण्यात अनिलविरोधात तक्रार दिली. या तक्रारीवरून गुन्हा दाखल करण्यात आला.
सोमवारपर्यंत पोलिस कोठडी
गुन्हा खुलताबाद तालुक्यात घडल्यामुळे तो गुन्हा शिऊर पोलिस ठाण्यातून वर्ग करण्यात आला. पोलिस उपअधीक्षक जगदीश सातव यांनी तपास करून अनिल चांदवडेला 4 फेब्रुवारी रोजी अटक केली.
जिल्हा व सत्र न्यायाधीश एम. एस. देशपांडे यांनी आरोपी चांदवडे याला सोमवारपर्यंत (ता. दहा) पोलिस कोठडीत ठेवण्याचे आदेश दिले. सहायक लोकअभियोक्ता कैलास पवार यांनी सुनावणीदरम्यान युक्तिवाद केला.
हेही वाचा :53 आमदार,खासदारांना पाणी प्रश्नावरील बैठकीचे वावडे (वाचा कोण आहेत ते)...
त्या आमदारांना बांगड्या पोस्टाने पाठवणार, विद्यार्थी संघटनांचा आक्रोश
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.