औरंगाबाद : कोरोना लॉकडाऊनचा फटका सर्वच क्षेत्राला बसला आहे. त्यामुळे मागील आठ महिन्यापासून जनजीवन विस्कळीत झाले आहे. अनलॉक सुरु झाल्यानंतर हळूहळू परिस्थिती पुर्वपदावर येण्यासाठी हॉटेल्स, बार, रेस्टॉरंट सुरु ठेवण्यास मुभा देण्यात आली आहे. मात्र, करमणूक क्षेत्र सुरु करण्यासाठी राज्य सरकारने परवानगी दिलेली नाही. त्यामुळे शहरातील स्थानिक कलाकारांना मोठा फटका बसत आहे. कलाकरांसाठी रंगमंदिरे सुरु करण्यास शासनाने परवानी द्यावी, यासाठी संगीत कलाकार अमर वानखेडे यांनी राज्य सरकारच्या विरोधात कॅनोट परीसरात सकाळी दहा ते रात्री दहा वाजेपर्यंत हातात ‘सेव्ह आर्टिस्ट, सेव्ह आर्ट’ चा फलक धरुन आंदोलन केले.
कोरोनाच्या पार्श्वभूमीवर शाळा, महाविद्यालय, चित्रपटगृहे, रेस्टॉरंट, मंदिरे अद्याप बंद ठेवण्यात आली आहेत. आता अनलॉकच्या विविध टप्प्यांवर शासनाद्वारे निर्बंध शिथिल करण्यात येत आहेत. मात्र अजूनही कलाकारांच्या उपजिविकेचे साधन असलेल्या नाट्यगृह, सांस्कृतिक कार्यक्रमांना परवानगी देण्यात आलेली नाही. कोरोनाच्या संकटामुळे कलाकार, व्यावसायिकांवर आभाळ कोसळले आहे. मागील आठ महिन्यापासून ऑर्केस्ट्रा वादक, गायक, कलाकार, निवेदक या कलाकार आर्थिक संकटात सापडले असून त्यांच्यावर उपासमारीची वेळ आली आहे. शासनाने कलाकारांचा सहानुभूतीपुर्वक विचार करुन कलाक्षेत्र सुरु करण्याची परवानी द्यावी.
यासाठी अमर वानखेडे यांने जरा हटके पद्धतीने आंदोलन सुरु केले. शहरातील कॅनोट परीसरात सकाळी दहा ते रात्री दहा वाजेपर्यंत हातात ‘आय एम् अन् आर्टिस्ट, अ पार्ट ऑफ युवर सेलिब्रेशन, डोण्ट लेट अस बेग’फलक घेवून आंदोलन केले. तसेच सोशल मिडियावर ‘सेव्ह आर्टीस्ट, सेव्ह आर्ट’या पद्धतीचे हॅशटॅग सुरु केले आहे.
यावेळी त्याने सकाळशी बोलताना सांगीतले की, कोरोनाचा सर्वाधिक फटका कलाक्षेत्राला बसला आहे. मागील आठ महिन्यांपासून कलाकार बेरोजगार झाले आहेत. सर्व उद्योग पुर्वपदावर येण्यासाठी शासनाकडून ऑनलॉकचे टप्पे सुरु केले. मात्र, अजूनही मनोरंजन क्षेत्राला परवानी देण्यात आलेली नाही. त्यामुळे कलाकारांना आर्थिक संकटाचा सामना करावा लागत आहे. सरकारने कलाकारांना आपली कला सादर करण्यासाठी नाट्यगृहे, सांस्कृतिक कार्यक्रम सुरु करण्याची परवानगी द्यावी. आम्हाला सरकारकडून अनुदान नको, फक्त कला सादर करण्याची परवानी द्यावी.
(संपादन-प्रताप अवचार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.