औरंगाबाद : कोरोना महमारीमुळे धडधाकट व्यक्तींचे रोजगार गेल्याने हजारो बेरोजगार झाले आहेत. तिथे दिव्यांगाचे काय? असा प्रश्न न पडला तर नवलच; परंतु अशाच एका दिव्यांग व्यक्तीला दैनंदिन जीवनात कामधंदा करताना होणारी अडचण सोडविण्यासाठी येथील जगदीश अग्रवाल आणि त्यांच्या मित्रांनी त्या दिव्यांगाला तीनचाकी सायकल भेट देऊन आत्मनिर्भर होण्यासाठी मदत केली.
जयभवानीनगर येथील पंचवीसवर्षीय दिव्यांग सोनू बुट्टे हा जन्मतः दिव्यांग आहे. त्याचा भाजीपाला विक्रीचा व्यवसाय आहे. यातून कुटुंबाचा उदरनिर्वाह चालविण्यासाठी सोनू बुट्टे याची धडपड सुरू असते; परंतु हालाखीच्या आर्थिक परिस्थितीमुळे त्याला तीनचाकी सायकल आजपर्यंत खरेदी करता आली नाही. याची माहिती अग्रवाल समाजातील जगदीश अग्रवाल यांना कळाली. त्यांनी मित्रांची सहमती घेत मुकेश अग्रवाल, कैलास अग्रवाल, अजय ऐरण, दीपक अग्रवाल यांच्या मदतीने सोनूला ही भेट दिली.
...अन् सोनूच्या डोळ्यांत आनंदाश्रू
सायकलमध्ये बसताच सोनू भावुक झाला. फार वर्षांपासून माझी तीनचाकी सायकल घेण्याची इच्छा होती ती आज जगदीश भैया आणि त्यांच्या मित्रांच्या मदतीमुळे पूर्ण झाली म्हणत त्याने सर्वांचे आभार मानले.
आम्हीही भारावलो : जगदीश अग्रवाल
सोनू बुट्टेला आमच्याकडून छोटीशी मदत मिळाल्याने त्याच्या चेहऱ्यावरील आनंद पाहून आम्ही देखील भारावलो. कोरोना महामारीच्या या संकटातून सर्वांना सावरण्यासाठी ईश्वर बळ देवो आणि अनेकांना देखील स्वतःच्या पायावर उभे राहण्याची शक्ती मिळो, असे भावोद्गार जगदीश अग्रवाल यांनी काढले.
Edit-Pratap Awachar
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.