औरंगाबाद : लहान मुलांपासून तरुणांनाही अक्षरशः वेड लावणारा पबजी हा मोबाईल गेम एका मुलाला तब्बल दीड हजार किलोमिटर दूर घेऊन आला आहे. गेमवरील टास्क पूर्ण करण्याच्या नादात हा मुलगा हिमाचल प्रदेशातील सोलन येथून निघून औरंगाबादला पोहोचला आहे.
या PUBG मोबाईल गेममुळे मुले आपले आ्रस्तित्त्व हरवून अक्षरशः मोबाईल एडिक्ट झाले आहेत. या मनोरुग्ण तरुणाईची संख्या मोठी आहे. अशापैकीच एक मुलगा हिमाचल प्रदेशातील सोलन इथून गायब झाला आणि तब्बल दीड हजार किलोमिटरचे अंतर पार करून महाराष्ट्रात येऊन धडकला.
आता हा मुलहा सापडला आहे. पण पब्जी गेममध्ये दिलेला टास्क पूर्ण करण्यासाठी तो आपल्या घरापासून इतक्या दूर कसा पोहोचला, याची कथा मोठी सुरस आहे.
मोबाईल लोकेशनमुळे सापडला मुलगा
मनमा़ड पोलिसांकडून मिळालेल्या माहितीनुसार, हा मुलगा हिमाचल प्रदेशातल्य़ा सोलन जिल्यातील कुनिहार गावामधून १७ फेब्रुवारीला बेपत्ता झाला होता. त्याच्या कुटुंबाने पोलीसांत तक्रार दाखल केली. पोलिसांच्या तपासात असं लक्षात आलं, की त्या मुलाचं मोबाईल लोकेशन महाराष्ट्रात औरंगाबादमध्ये दाखवलं जातंय.
कुनिहार इथल्या पोलिसांनी स्थानिक पोलिसांशी संपर्क साधून मुलाला सुरक्षितपणे ताब्यात घेण्याची विनंती केली. हा मुलगा मनमाड इथं पोलिसांच्या ताब्यात असल्याचं समजलं आहे. त्याला नेण्यासाठी कुनिहार पोलीस आणि मुलाचे कुटुंबीय निघाले आहेत. आपण कुठे येऊन पोहोचलो, याची त्या मुलाला कल्पनाही नाही, असं पोलिसांनी सांगितलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.