औरंगाबाद : रोजगार हमी योजनेतून फळबाग लागवड आणि विहीर खोदकामाचा ग्रामसभेचा ठराव देण्यासाठी चार हजारांची लाच स्विकारणाऱ्या कन्नडच्या ग्रामविकास अधिकाऱ्याला आज सकाळी लाचलुचपत प्रतिबंधक विभागाच्या पथकाने रंगेहाथ पकडले. सुधाकर नारायणराव घुले (53, रा. पिशोर, ता. कन्नड) असे त्याचे नाव आहे.
कन्नड तालुक्यात रोजगार हमी योजनेतून फळबाग व विहीर खोदकाम करण्यात आले होते. त्यासंदर्भात ग्रामस्थांनी सभा घेतली होती. या ग्रामसभेचा ठराव देण्यासाठी ग्रामविकास अधिकारी सुधाकर घुले याने 31 जानेवारीला चार गावांना प्रत्येकी एक हजार रुपये देण्याची मागणी केली. त्यावरुन गावकऱ्यानी लाचलुचपत प्रतिबंधक विभागाशी संपर्क साधला.
पोलीस अधीक्षक अरविंद चावरिया, अप्पर पोलीस अधीक्षक अनिता जमादार, उपअधीक्षक मारुती पंडीत यांच्या मार्गदर्शनाखाली निरीक्षक गणेश धोक्रट, पोलिस नाईक विजय ब्राम्हंदे, सुनील पाटील, विलास चव्हाण, केदार कंदे, कपिल गाडेकर व चांगदेव बागुल यांनी लाच स्विकारताना घुलेला पकडले.
हे वाचलंत का?- दुसऱ्यांसमोर हात पसरण्यात हरवतेय बालपण
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.